Баш ҡалала 2020 йылдың яҙында онкология диспансерының яңы корпусын файҙаланыуға тапшырыу күҙаллана

ӨФӨ, 2020 йыл, 5 февраль. /«Башинформ» мәғлүмәт агентлығы/. Подрядсылар Республика онкология диспансерының яңы корпусында төҙөлөш-монтаж эштәрен март аҙағына тамамларға вәғәҙәләй. Апрель-май айҙарында ҡорамалдар һатып алыу һәм ҡуйыу дауам итә, һынау режимында эш башлана. Йәй башында корпус тулы ҡеүәтенә эшләүгә күсер тип көтөлә. Был турала журналистарға Башҡортостан хөкүмәтенең беренсе вице-премьеры Андрей Назаров хәбәр итте. 5 февралдә ул эш сәфәре менән төҙөлөп ятҡан социаль объекттарға барып килде.

2017 йылдың сентябрендә республика хөкүмәте заказы буйынса Республика клиник онкология диспансерының хирургия корпусына 240 урынлыҡ төкәтмә һәм сменаһына 450 кешене ҡабул итерлек поликлина һалына башланы. Объекттың генераль подрядсыһы — Өфөнөң «Фирма СУ-10» яуаплылығы сикләнгән йәмғиәте. Төҙөлөш эштәренең суммаһы 1 миллиард һумдан ашыуға баһалана, ҡорамал хаҡы – 929,4 миллион. Федераль бюджет проектты 685 һумға финанслай.

Яңы туғыҙ ҡатлы төкәтмәлә поликлиника, лор-онкология, гинекология, урология, маммология, торакоабдоминаль бүлексәләр урынлаша.