Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
4 Февраль 2020, 12:36

Башҡортостанда федераль юлдар участкаларында транспорт хәрәкәтен сикләү бөтөрөлдө

Валерий Шахов
Валерий Шахов
ӨФӨ, 2020 йыл, 4 февраль. /«Башинформ» мәғлүмәт агентлығы/. Башҡортостанда федераль трасса участкаларында транспорт хәрәкәтен сикләүҙәр алынды. «Әлеге ваҡытта бөтә юлдарҙан йөрөргә мөмкин», — тип яҙҙы республиканың Транспорт һәм юл хужалығы буйынса дәүләт комитеты рәйесе Тимур Мөхәмәтйәнов Фейсбуктағы сәхифәһендә.
Уның билдәләүенсә, әле юлдарҙа — 1100 берәмек, шул иҫәптән федераль әһәмиәттәге юлдарҙа 136 берәмек техника эшләй, төбәк әһәмиәтендәге юлдарҙа – 694, Өфөлә – 270 техника.
«Юл эшселәренә төндә лә йоҡларға тура килмәне, — тип хәбәр итте Мөхәмәтйәнов. — Көслө ҡар яуыуы сәбәпле Стәрлетамаҡтан Күмертауға тиклем Р-240 федераль әһәмиәттәге юлдарҙа, шулай уҡ Һамарҙан Ырымбурға тиклем М5 трассаһында йөк машиналары һәм автобустар өсөн хәрәкәт ваҡытлыса сикләнде. Автобустарҙың 86 рейсы туҡтатылды. Ира – Магнитогорск юлында таңғы сәғәт 4-кә тиклем хәрәкәт сикләнде. Хоҙайбирҙин ауылында йылыныу пункттары һәм Мораҡта ике пункт асылды».
Читайте нас: