Алты процентлы ставка менән льготалы ипотека инвалид балалы ғаиләләргә лә ҡағыла

IMPORT Сервисный

ӨФӨ, 2019 йыл, 7 ноябрь. /«Башинформ» мәғлүмәт агентлығы/. Алты процентлы ставка менән льготалы ипотека инвалид балалы ғаиләләргә лә ҡағыла.

Ишле ғаиләләр өсөн ипотека буйынса ставканы субсидиялау ҡағиҙәләре инвалид бала тәрбиәләгән ғаиләләргә лә ҡағыла. Хәҙер ошондай ғаиләләр йылына — 6%, ә Алыҫ Көнсығышта 5% менән торлаҡ кредиты алырға мөмкин.

«Российская газета» хәбәр итеүенсә, премьер-министр Дмитрий Медведев ҡул ҡуйған бойороҡта балалы ғаиләләргә бирелгән ипотека кредитын банктарға ҡайтарыу ҡағиҙәләренә үҙгәрештәр раҫланды. Инвалид балаһы 2022 йылдың 31 декабренә тиклем тыуған граждандарҙың 6 процент менән кредит алыу йәки кредит осоронда рефинанслау хоҡуғы була. Алыҫ Көнсығыш федераль округында йәшәүселәрҙең иһә 5 процент менән.

2022 йылдың 31 декабренә тиклем тыуған балаға инвалидлыҡ ошо ваҡыттан һуң ҡуйылһа, ғаилә 2027 йылдың 31 декабренә ҡәҙәр льготалы шарттарҙа ипотека алырға мөмкин.

Президент Владимир Путин башланғысы менән булдырылған ишле ғаиләләргә ярҙам программаһы 2019 йылдың 25 сентябренән алып эшләй. Был льготанан өсөнсө һәм артабанғы балаһы тыуған йәки тыуырға тейеш ғаиләләр файҙалана ала. Ипотека түләү өсөн аҡсаның күләме 450 мең һум тәшкил итә. Программа әлегә 2022 йылдың 31 декабренә тиклем ғәмәлдә.

Субсидия алыу өсөн заемсыға ипотека биргән банкка мөрәжәғәт итергә кәрәк. Ипотека кредитының бер өлөшөн түләп ҡуйыу тураһында ғариза менән бергә шәхесте, гражданлыҡты һәм әсәлекте (аталыҡты) раҫлаған документтар, торлаҡ йәки шәхси төҙөлөш өсөн ер участкаһы һатып алыуға кредит биреү хаҡында документтар талап ителә. Документтарҙы «ДОМ.РФ» ҡарай. Ғаризаны хуплағас, ул ипотека кредитының бер өлөшөн ваҡытынан алда ҡаплау өсөн банкка аҡса күсерә.

2019 йылда ошо маҡсатҡа ил бюджетында 5 миллиард һум ҡаралған.

http://www.bashinform.ru/news/1375741-lgotnaya-ipoteka-po-stavke-6-budet-rasprostranena-i-na-semi-s-detmi-invalidami/

#льготалы ипотека #инвалид балалы ғаиләләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.