«Абҙаҡ» тау саңғыһы курорты миҙгел асыу өсөн иң шәп өсәү иҫәбенә инде

ӨФӨ, 2019 йыл, 7 ноябрь. /«Башинформ» мәғлүмәт агентлығы/. ТурСтат мәғлүмәттәренә ярашлы, «Абҙаҡ» көҙ аҙағында уҡ тау саңғыһында һәм сноубордта шыуыу миҙгелен асыу өсөн иң шәп өс тау саңғыһы курорттары иҫәбенә инде.

Рәсәйҙең тау саңғысылары һәм сноубордсылары араһында ҡышҡы миҙгелде асыу өсөн популяр биш курорты иҫәбендә — Шерегеш (Кемерово өлкәһенең Таштагольский районында), унда шыуыу миҙгеле 16 ноябрҙә асыла; «Солнечная долина» курорты (Силәбе өлкәһенең Мейәс ҡалаһында, 9 ноябрҙә); «Абҙаҡ» курорты (Башҡортостандың Белорет районында, 2 ноябрҙә асылды); «Гора Белая» (Свердловск өлкәһенең Түбәнге Тагил ҡалаһында, 23 ноябрҙә) һәм «Архыз» (Ҡарәсәй-Черкес Республикаһы, 1 декабрҙә). Рейтинг туристик популярлыҡты һәм курорттарҙың инфраструктураһын анализлау һөҙөмтәләре буйынса төҙөлгән.

Ноябрь башында Башҡортостанда ҡар ятты. Был аҙнала республикала йылытты. Хәҙер Абҙаҡта +5,+7 градус йылы. Шәмбе, 9 ноябрҙә, йәнә ҡар яуа.