Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Иҡтисад
24 Октябрь 2019, 12:22

Флүр Әсәҙуллин Башҡортостанда эшҡыуарҙарҙың хоҡуҡтарын яҡлау буйынса вәкил итеп тәғәйенләнде

Валерий Шахов
Валерий Шахов
ӨФӨ, 2019 йыл, 24 октябрь. /«Башинформ» мәғлүмәт агентлығы, Азат Ғиззәтуллин/. Бөгөн Башҡортостан Дәүләт Йыйылышы депутаттары пленар ултырышта республикала Эшҡыуарҙарҙың хоҡуҡтарын яҡлау буйынса яңы вәкил тәғәйенләне. Ул – Флүр Әсәҙуллин.
Депутаттар алдындағы сығышында ул, бизнес-омбудсмендың эшендә иң мөһиме һан күрһәткестәре түгел, ә эшҡыуарҙарҙың мәнфәғәттәрен яҡлау, тип билдәләне. Уның һүҙҙәренсә, ҡабул итеүҙәр һәм ҡаралған ялыуҙар һанын уңыш тип иҫәпләргә ярамай.
«Флүр Әсәҙуллин иҡтисад өлкәһендә ҙур эш тәжрибәһенә эйә, эшҡыуарҙар берләшмәһен борсоған проблемаларҙы һәйбәт белә. Үҙенең һөнәри эшмәкәрлегендә ул дәүләт-шәхси партнерлыҡ һәм тышҡы иҡтисади эшмәкәрлек мәсьәләләре менән ныҡлап шөғөлләнде, республика маҡсатлы программаларын ғәмәлгә ашырыуға яуаплы булды. Туплаған тәжрибәһе Флүр Әсәҙуллинға йүнселдәр берләшмәһе ҡуйған бурыстарҙы уңышлы хәл итергә мөмкинлек бирер», — тине республика Дәүләт Йыйылышы рәйесе Константин Толкачев.
Белешмә
Флүр Минзаһит улы Әсәҙуллин 1969 йылда Дәүләкәндә тыуған. Башҡорт дәүләт педагогия институтын һәм Рәсәй Федерацияһы президенты ҡарамағындағы Рәсәй дәүләт хеҙмәте академияһын тамамлаған. III һәм V саҡырылыш Башҡортостан Республикаһы Дәүләт Йыйылышы – Ҡоролтай депутаты. Иҡтисади үҫеш министры урынбаҫары, инвестициялар йәлеп итеү буйынса төбәк агентлығы директоры вазифаларын биләне.
Читайте нас: