Воскресенье, 7 Июня 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

06:36 (UTC+5), 17 Октября 2019

Башҡортостандың юл хеҙмәттәре 54 берәмек яңы техника алды

Олег Яровиков

IMPORT Сервисный

ӨФӨ, 2019 йыл, 17 октябрь. /«Башинформ» мәғлүмәт агентлығы, Азат Ғиззәтуллин/. Бөгөн «Башкиравтодор» акционерҙар йәмғиәте автопаркы 54 берәмек яңы техника менән тулыланды, улар предприятиеның 36 филиалы араһында бүленә һәм Башҡортостан райондарына юллана. Техника төбәк, муниципаль-ара һәм урындағы әһәмиәткә эйә юлдарҙы ремонтлау, төҙөү һәм тәртиптә тотоу өсөн файҙаланыла.

Яңы юл техникаһы асҡыстарын Башҡортостан Башлығы Радий Хәбиров тапшырҙы. Ул юл эшселәрен һөнәри байрамдары менән ҡотланы һәм республиканың юлдар оҙонлоғо буйынса Рәсәйҙә икенсе урын биләүен хәтергә төшөрҙө.

«Был — ҙур яуаплылыҡ, һеҙ бик күп тораҡ пункттарҙы хеҙмәтләндерәһегеҙ, ҡатмарлы климат шарттарын иҫәпкә алып, юлдар йыл әйләнәһенә асыҡ булырға тейеш. Беҙ һеҙгә ярҙам иттек һәм ярҙам итербеҙ, һеҙгә сифатлы, хәл-ваҡиғаларһыҙ эшләүегеҙҙе теләйем. Эшегеҙ бик ҡатмарлы, юл эшсеһенең хеҙмәте – ауыр һөнәрҙәрҙең береһе. Хәүефһеҙлек һәм уңайлылыҡ һеҙҙән тора», — тине Радий Хәбиров.

Транспорт һәм юл хужалығы буйынса дәүләт комитеты рәйесе вазифаһын башҡарыусы Тимур Мөхәмәтйәнов быйыл юл техникаһы һатып алыу өсөн республика ҡаҙнаһынан 500 миллион һум бүленеүе һәм бының хөкүмәт яғынан ҙур ярҙам булыуы хаҡында һөйләне. Быйыл бөтәһе 97 берәмек техника, ә ҡалған өлөшөн йыл аҙағына тиклем һатып алыу күҙаллана.

«Был техника тәү сиратта ҡыш көнө юлдарҙы тәртиптә тотоуға иҫәпләнгән. Башкиравтодор һәм юл хеҙмәттәре ҡышҡы шарттарҙа эшләүгә тулыһынса әҙер, ҡом һәм тоҙ буйынса барлыҡ кәрәкле материалдар һатып алынған. Быйыл ҡыш юлдарҙа бер ниндәй ҙә ғәҙәттән тыш хәлдәр фаразланмай, тип әйтергә мөмкин», — тине Тимур Мөхәмәтйәнов.

«Башкиравтодор» акционерҙар йәмғиәтенең генераль директоры Андрей Пролипото һүҙҙәренсә, уларҙың филиалдарына 12 яңы автогрейдер, 10 тәгәрмәсле трактор һәм башҡа техника тапшырыла.

1 из 11

«2018 йылда беҙ Төбәк фондынан 20 миллиард һум займ алдыҡ, был аҡса беҙҙең иҡтисади хәлде яҡшыртырға мөмкинлек бирҙе. Быйыл 9 айҙа ыңғай күрһәткестәргә сыҡтыҡ. Ләкин башҡараһы эштәр байтаҡ, коллективта биш меңләгән кеше, 53 филиал, 3 меңдән ашыу берәмек техника. Хөкүмәт ярҙамы менән алдағы ике-өс йылда техника паркын яңыртырбыҙ тип ышанам», — тине Андрей Пролипото.

http://www.bashinform.ru/news/1367284-dorozhnye-sluzhby-bashkirii-poluchili-54-edinitsy-novoy-tekhniki/

#башкиравтодор #юл хеҙмәттәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.