81.14
-0.88
Башҡортостан һәм Өфө яңылыҡтары
92.22
-1.03
67.96
+2.11
23+ °C
Болотло
Бөтә яңылыҡтар
Иҡтисад
14 Октябрь 2019, 16:27
Ямғырҙар Башҡортостан аграрийҙарына 3,3 миллион тонна ашлыҡ йыйып алырға ҡамасауламаны
Олег Яровиков
ӨФӨ, 2019 йыл, 14 октябрь. /«Башинформ» мәғлүмәт агентлығы, Галина Бахшиева/. Һуңғы 10 йылда иң ҡатмарлы урып-йыйыу кампанияһына ҡарамаҫтан, Башҡортостанда игендең уңышы фаразланған 3,1 миллион тонна урынына 3,3 миллион тонна тәшкил итте. Был хаҡта республика хөкүмәтендәге оператив кәңәшмәлә Башҡортостан Республикаһы вице-премьеры — ауыл хужалығы министры урынбаҫары Илшат Фәзрахманов белдерҙе.
«Был уңыш йыйыу кампанияһы беҙҙең өсөн һуңғы 10 йылда иң ауыры булды. Ерҙең ныҡ дымлы булыуы сәбәпле иген һәм ҡуҙаҡлы иген культураларын йыйыу бик ҡыйынға төштө. Ярай әле булған техника беҙгә уңышты ваҡытында тамамларға мөмкинлек бирҙе. Әгәр һуңғы йылдарҙа техника һатып алмаһаҡ, уңыш өсөн көрәшергә тура килер ине, — тине Илшат Фәзрахманов. — Бөгөн бункер үлсәүендә 3,3 миллион тонна ашлыҡ һуғылған. Был уҙған йылға ҡарағанда дүрт процентҡа күберәк».
Быйыл республикала ашлыҡтың уртаса уңышы гектарынан 20 центнерҙан ашты, был иһә 2018 йылға ҡарағанда алты процентҡа күберәк.
Уңыш буйынса Саҡмағош районы алдынғылыҡты бирмәй. Бында һәр гектарҙан 41 центнер ашлыҡ йыйып алынған.
Ауырғазы, Стәрлетамаҡ, Ҡырмыҫҡалы райондарында ла игендең уңышы республика буйынса уртаса күрһәткестән юғарыраҡ – бер баҫыуҙан 29 центнер.
Шишмә районы аграрийҙары ла күпкә ҡалышмаған, улар һәр гектарҙан 28-шәр центнер ашлыҡ йыйып алған.
Республика өсөн игендең рекордлы уңышы Саҡмағош районының «Базы» ауыл хужалығы предприятиеһына тура килә. Быйыл бында һәр гектарҙан 50 центнер йыйғандар, тип белдерҙе Илшат Фәзрахманов.
«Ашлыҡ буйынса һәйбәт күрһәткестәр менән киләбеҙ. Уҙған йылда —3 миллион, быйыл 3,3 миллион тонна йыйып алдыҡ. 2024 йылға 4 миллион тонна уңышҡа сығырға тип һөйләштек. Ауыр булһа ла, быға өлгәшергә мөмкин. Аграрийҙарға артабан да ярҙам күрһәтербеҙ», — тип йомғаҡ яһаны кәңәшмәлә республика етәксеһе Радий Хәбиров.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».