Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Иҡтисад
4 Октябрь 2019, 13:47

Баш ҡалала электричка пассажирҙары «Алға» картаһы һәм «бәхетле сәғәт» хеҙмәте менән файҙаланыу мөмкинлегенә эйә

ӨФӨ, 2019 йыл, 4 октябрь. /«Башинформ» мәғлүмәт агентлығы/. 1 октябрҙән Өфөлә «Алға» берҙәм транспорт картаһы эйәләренең бер сәғәт эсендә өҫтәп түләмәйенсә «Башавтотранс» автобустарынан һәм муниципаль электр транспортынан Дим – Шакша станциялары араһында йөрөгән ҡала яны поездарына күсеп ултырыу мөмкинлеге бар. Башҡортостан ҡала яны пассажирҙар компанияһында ошондай аңлатма бирҙеләр.
«Электричка пассажирҙары, «Алға» карталары эйәләре, был яңылыҡтың өҫтөнлөгөн тойҙо ла инде. Хәҙер, мәҫәлән, Шакшала йәшәгән студенттар, баш ҡала үҙәгендәге юғары уҡыу йорттарына 18 һумға йөрөй. Был — транспорт картаһы эйәләре өсөн тариф. Ә элек ошо юл ваҡыты, хаҡы буйынса ла ике тапҡырға тиерлек оҙағыраҡ һәм ҡиммәтерәк ине», — тине Башҡортостан ҡала яны пассажирҙар компанияһының матбуғат секретары Сергей Спатар.
Ул шулай уҡ 60 минут эсендә икенсе һәм артабанғы юл йөрөү хаҡы нулгә тиң булыуын иҫкә төшөрҙө. Ҡала яны поездары пассажирҙарына «Алға» картаһы менән электричкала бер нисә тапҡыр йөрөргә була, ләкин Дим – Шакша участкаһында ғына. Башҡортостан Республикаһының Транспорт һәм юл хужалығы буйынса дәүләт комитеты, Башҡортостан ҡала яны пассажирҙар компанияһы индергән «Бәхетле сәғәт» тарифы ҡалала бер транспорттан икенсеһенә күсеп ултырырға тура килгән пассажирҙарға ошондай мөмкинлек бирә.
Читайте нас в