Башҡортостанда уңыш йыйыу темпы былтырғы күрһәткестәрҙән 4 тапҡырға юғарыраҡ

ӨФӨ, 2019 йыл, 1 август. /«Башинформ» мәғлүмәт агентлығы/. Башҡортостанда 11 мең гектар яҙғы культуралар йыйып алынған, 26 мең тонна һуғылған, был уҙған йылға ҡарағанда дүрт тапҡырға күберәк. Башҡортостан Ауыл хужалығы министрлығының матбуғат хеҙмәте мәғлүмәттәре буйынса, 31 июлгә 18 район яҙғы культуралар йыйыуға төшкән. Башлыса арпа менән борсаҡ һуғалар. Иң күп ярауайҙы Дүртөйлө һәм Мәләүез райондарында һуғыуҙары билдәләнгән — 4,6 һәм 4,4 мең. Уңдырышлылыҡ буйынса Саҡмағош игенселәренә тиңдәр юҡ. Бында бер әйләнештән 32 центнер ашлыҡ йыялар.