Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Иҡтисад
30 Июль 2019, 10:07

Өфөлә «Еләкле силәк» йәрминкәһендә 2 тонна төрлө еләк һатҡандар

Ғәлиә Нәбиева
Ғәлиә Нәбиева
ӨФӨ, 2019 йыл, 30 июль. /«Башинформ» мәғлүмәт агентлығы, Галина Бахшиева/. Өфөлә уҙған икенсе «Еләкле силәк» йәрминкәһендә 2 тоннаға яҡын төрлө еләк-емеш һатҡандар.
Өфө хакимиәтенең матбуғат хеҙмәтенән хәбәр итеүҙәренсә, өфөләргә Башҡортостандың 17 районынан килтерелгән һутлы еләк тәҡдим иткәндәр. Улар араһында – Архангел, Баймаҡ, Өфө, Бөрө, Благовар, Дәүләкән, Дүртөйлө, Мишкә, Туймазы, Ҡырмыҫҡалы, Саҡмағош.
Йәрминкәгә бөтәһе 1,5 меңдән ашыу кеше килгән.
Иң ҡиммәтлеһе – ер еләге, уның бер килограмы 350-500 һумға төшкән.
Иң арзаны – сейә, бер килограмы – 150-200 һум.
Ҡарағаттың бер килограмы 250-300 һумға һатып алғандар. «Еләкле силәк»тә бер килограмм ҡурай еләген 300-350 һумға баһалағандар.
Йәрминкәлә иң күбе ҡурай еләге һатылған – 0,9 тонна. Ер еләге менән сейәгә – 0,4 тонна, ҡарағатҡа 0,3 тонна тура килгән.
Еләктән тыш, өфөләргә йәшелсә-емеш һәм бал тәҡдим ителгән.
Читайте нас в