Башҡортостан һәм Өфө яңылыҡтары
91.35
+0.02
99.11
+0.38
82.64
-0.16
-9 °C
Болотло
Бөтә яңылыҡтар
Иҡтисад
25 Июль 2019, 10:50

Дүрт районда ҡоролоҡ һөҙөмтәһендә ғәҙәттән тыш хәл режимы иғлан итеүҙәре мөмкин

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2019 йыл, 25 июль. /«Башинформ» мәғлүмәт агентлығы/. Киләһе аҙнала Башҡортостан хөкүмәте ҡоролоҡ һөҙөмтәһендә Хәйбулла, Көйөргәҙе, Йылайыр һәм Баймаҡ райондарында ғәҙәттән тыш хәл режимы индерергә ниәтләй. Бының турала вице-премьер — ауыл хужалығы министры вазифаһын башҡарыусы Илшат Фәйзрахмановтың һүҙҙәренә һылтанып «Интерфакс» агентлығы хәбәр итә. Ҡоролоҡ һөҙөмтәһендә сәсеүҙәр һәләк була тип 20 райондан сигнал килгән. Ә бына Хәйбулла, Көйөргәҙе, Йылайыр һәм Баймаҡ райондарында ситуация көрсөк хәленә килеп еткән, шуға күрә лә был муниципалитеттарҙа тикшереүҙән һуң ғәҙәттән тыш хәл режимы иғлан итеүҙәре мөмкин.
Агентлыҡ мәғлүмәте буйынса былтыр ғәҙәттән тыш хәл режимы 19 районда һәм Күмертау ҡалаһында индерелде. Уларҙа ҡоролоҡ, ҡыуан ел, ҡойма ямғырҙар, боҙ борсағы һәм киҫкен ел кеүек хәүефле агрометеорологик күренештәр теркәлде. Дөйөм алғанда 223 ауыл хужалығы предприятиеһының 105,6 мең гектар майҙандары һәләк булды, зыян күләме 160 миллион һум тәшкил итте. Уларға 238 млн һум компенсация ҡайтарылды.
Читайте нас в