Башҡортостан һәм Өфө яңылыҡтары
88.02
0
96.04
0
82.49
-0.14
21+ °C
Болотло
Бөтә яңылыҡтар
Иҡтисад
25 Июль 2019, 11:43

«Башавтотранс» ДУП-һын Надир Сәмиев етәкләне

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2019 йыл, 25 июль. /«Башинформ» мәғлүмәт агентлығы/.«Башавтотранс» ДУП-һын вазифаны биләүгә конкурс һөҙөмтәһе буйынса Надир Сәмиев етәкләне. Ошо хаҡта республиканың Ер һәм мөлкәт мөнәсәбәттәре министрлығының матбуғат хеҙмәте хәбәр итә. 2018 йылдың октябренән ул «Башавтотранс» ДУП-һын генераль директор вазифаһын башҡарыусы статусында етәкләне.
Надир Сәмиев 1967 йылдың 8 февралендә Балтас районының Көндәшле ауылында тыуған. Башҡорт ауыл хужалығы институтын ауыл хужалығы механизацияһы һөнәре, Көнсығыш-иҡтисади юридик гуманитар академияһын юриспруденция һөнәре буйынса тамамлаған. Комбайнер ярҙамсыһы, инженер-энергетик, Башҡорт ауыл хужалығы институты лабораторияһы мөдире, «Мирмекс» ғилми-етештереү индереү берләшмәһенең тәьмин итеү бүлеге инженеры, «Вторресурсы» муниципаль етештереү-коммерция предприятиеһы баш инженеры булып эшләгән.1996-2015 йылдарҙа Эске эштәр министрлығының Башҡортостан буйынса эске эштәр органдарында хеҙмәт иткән, Башҡортостан Эске эштәр министрлығының тыл тәьминәтен ойоштороу идаралығы етәксеһе вазифаһында полиция полковнигы дәрәжәһендә отставкаға сыҡҡан. 2015 йылдан «Башавтотранс» филиалын – 1-се Өфө пассажирҙар ташыусы автотранспорт предприятиеһын етәкләгән.
«Башавтотранс» ДУП-һы – төбәктәге иң ҙур ташыусы, 1600 самаһы төрлө класлы автобусҡа эйә. 2018 йылда дәүләт унитар преприятиеһының юғалтыуы 3,45 миллиар һум килемдә 335 миллион һум тәшкил итә, тип хәбәр итә «Коммерсант». 2020 йылдың 1 апреленә тиклем предприятиеның автопаркы яңы төрлө класлы 589 автобусҡа тулылана, уларҙан 527-һе – быйыл. Республика бюджеты был маҡсатҡа 1,2 миллиард һумдан ашыу тотона.
Автор:«Башинформ» мәғлүмәт агентлығы
Читайте нас: