Радий Хәбиров эш сәфәре менән Ағиҙел ҡалаһына килде

IMPORT Сервисный

ӨФӨ, 2019 йыл, 19 июль. /«Башинформ» мәғлүмәт агентлығы/. Республика етәксеһе тәүҙә «Башҡортостан электр селтәрҙәре» акционер йәмғиәте биләмәһенә юлланды.

Предприятие 2018 йылдың апрелендә Башҡортостан хөкүмәте ҡарары менән булдырылған. Төҙөлөп бөтмәгән Башҡорт АЭС-ы урынында эше индустрия паркы төҙөү күҙаллана. «Башҡортостан электр селтәрҙәре» акционер йәмғиәте генераль директоры Павел Багаев әйтеүенсә, бында 123 гектарҙа урынлашҡан 112 мең квадрат метр производство майҙандары бар. 30-40 йыл эсендә бар коммуналь селтәрҙәр иҫкергән һәм уларҙың күбеһе яңыртыуҙы талап итә. Был майҙандар менән инвесторҙар ҡыҙыҡһынһын өсөн тимер юлы тармағын да тергеҙеү кәрәк. Башҡортостан Үҫеш корпорацияһы генераль директоры Раил Сарбаев Радий Хәбировҡа реконструкция өсөн дөйөм алғанда 318 миллион һум аҡса талап ителә тип белдерҙе. Бының 75 процентын республика федераль үҙәктән һорай. Әлеге ваҡытта Рәсәй хөкүмәте рәйесе Дмитрий Медведевтың ҡарары бар, РФ Иҡтисади үҫеш министрлығы менән һөйләшеүҙәр үткәрелә.

Был майҙансыҡта шулай уҡ мембраналы рулонлы материалдар етештереү буйынса инвестиция проектын ойоштороу планға ингән. Улар ҡыйыҡ конструкцияларында ҡулланылған айырым типлы арматуралы ҡыйыҡ һәм гидроизоляция япмалары булып тора. Был продукттар яҡшы физик-механик үҙсәнлеккә эйә, уларға төҙөлөш баҙарында тотороҡло һорау бар. Производство ҡоролмалары Чехияла эшләнә һәм уларҙы һатып алыу өсөн 400 миллион һум самаһы аҡса кәрәк.

Силикат кирбесе етештергән «Джут-СТ» яуаплылығы сикләнгән йәмғиәте заводы төҙөлөп бөтмәгән АЭС биләмәһендә эшләгән производстволарҙың берәүһе булған. Уның директоры Руслан Мәннәнов Радий Хәбиров менән әңгәмә барышында, предприятие продукцияһы элек Өфөлә йорттар төҙөгәндә ҡулланыла ине, тик төрлө сәбәптәр, һатыу баҙары юҡлығы һәм ҡаты конкурентлыҡ арҡаһында завод үҙ эшмәкәрлеген туҡтатырға мәжбүр булды тип белдерҙе.

Радий Фәрит улы директорҙы киләһе дүшәмбегә «Төҙөлөш сәғәте»нә саҡырҙы. Унда Ағиҙелдә кирбес етештереүҙе тергеҙеү буйынса ярҙам саралары тураһында һөйләшеү буласаҡ.

http://www.bashinform.ru/news/1332165-radiy-khabirov-s-rabochey-poezdkoy-pribyl-v-gorod-agidel/

#радий хәбиров #ағиҙел #аэс #эш сәфәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.