Башҡорт ауылы — «Ауылым минең» төбәк-ара конкурсы призеры

Көйөргәҙе районы хакимиәте

«Башинформ» мәғлүмәт агентлығы

ӨФӨ, 2019 йыл, 2 июль. /«Башинформ» мәғлүмәт агентлығы, Азат Ғиззәтуллин/.Көйөргәҙе районының Яңы Мораптал ауылы «Ауылым минең-2019» төбәк-ара конкурсының «Иң уңышлы үҫешеүсе биләмә» номинацияһында өсөнсө урын яуланы. Унда Нижегород, Киров, Иркутск, Ырымбур, Һамар, Ульяновск өлкәләре, Башҡортостан, Удмуртия республикалары, Красноярск һәм Пермь крайҙары ҡасабалары, ауылдары һәм башҡа муниципаль район биләмәләре ҡатнашты.

«Төбәк-ара конкурста ауылыбыҙҙың призлы урын яулауына мин шатмын. Был йорттарын, ихаталарын төҙөкләндергән, биҙәгән, ауылдаштарымдың дөйөм уңышы. Беҙҙә бик әүҙем, эшһөйәр кешеләр йәшәй. Яҡшы мәктәп, һәйбәт уҡытыусылар коллективы, ижади мәҙәни хеҙмәткәрҙәр, иркен клуб бар. Киров исемендәге ауыл хужалығы кооперативы 200-ҙән ашыу кешене эш менән тәьмин итә һәм райондың уңышлы предприятиеларының береһе булып һанала. Күбеһенсә халыҡ ауылда эшләй, йәшәй. Был миңә, коллективҡа һәм морапталдарға ҙур баһа, яҡшыраҡ эшләү һәм йәшәү өсөн этәргес», — тип Яңы Мораптал ауылы башлығы Асҡар Кинжалеев конкурстағы уңышҡа комментарий бирҙе.

Конкурс ауыл тормошоноң сифатын яҡшыртыуға, лидерлыҡты һәм әүҙем гражданлыҡ ҡарашын үҫтереүгә, биләмәләрҙәге ыңғай тәжрибәне киләсәктә таратыу өсөн туплауға йүнәлтелгән ауыл биләмәләрендә йәшәүселәрҙең ижтимағи башланғыстарына булышлыҡ итеүгә өндәлгән, тип «Башинформ» агентлығына район хакимиәтендә һөйләнеләр.

«Яңы Мораптал ауылының еңеүе – алға табай ҙур аҙым. Республика, Рәсәй кимәлендәге конкурстарҙа һәм гранттарҙа ҡатнашырға аҙ теләк белдереүебеҙҙә бар мәсьәлә тора. Асҡар Кинжалеевтың эшләнгән эше – ул барыбыҙ өсөн дә ҙур өлгө. Гранттарҙа ҡатнашырға, уларға әҙерләнә һәм уларҙы яҡларға белергә кәрәк. Был эш районға хәрәкәт бирәсәк. Асҡар Исәт улы – афарин! Ҡалған биләмә башлыҡтарына, ижтимағи һәм коммерция ойошмалары етәкселәренә тырышырға кәрәк. Гранттар – урындағы мәсьәләләребеҙҙе хәл итеү өсөн реаль финанс ярҙам ул», — тип билдәләне Көйөргәҙе районы хакимиәте башлығы Юлай Ильясов.

http://www.bashinform.ru/news/1326010-bashkirskoe-selo-stalo-prizerom-mezhregionalnogo-konkursa-derevenka-moya/

#муниципалитеттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.