Башҡортостан һәм Өфө яңылыҡтары
68.96
+0.2
74.96
+0.26
87.68
+1.56
-9 °C
Ҡар
Бөтә яңылыҡтар
Иҡтисад
29 Май 2019, 15:47

«БАШБИОСПИРТ» һәм Булгаков — «Башспирт» ребрендинг үткәрергә йыйына

drinkbay.ru
drinkbay.ru
ӨФӨ, 2019 йыл, 29 май. /«Башинформ» мәғлүмәт агентлығы/. «Башспирт» холдингы ребрендинг үткәрергә йыйына. Производство Нижегородканан Булгаков ҡасабаһына күсә һәм яңы завод «БАШБИОСПИРТ» тип атала башлай. Дәүләт компанияһының Стәрлетамаҡ, Бәләбәй һәм Бөрө ҡалаларындағы башҡа предприятиеларына ла шундай исем бирелә. Был хаҡта дәүләт компанияһының директорҙар советы ултырышында уның генераль директоры Рәүеф Ноғоманов хәбәр итте. Яңы исем Башҡортостан холдингы продукцияһының төп сифаттарын билдәләргә тейеш, тип иҫәпләй компания етәкселеге.
Әлеге ваҡытта инвестиция проектын тормошҡа ашырыу юлдың уртаһындараҡ. Бер миллиард һум инвестиция үҙләштерелгән, тағы 1,6 миллиард һалырға кәрәк, тине генераль директор. Файҙаланыуға тапшырыу 2021 йылға билдәләнгән. Компанияның элекке етәкселеге төҙөлөш өсөн Булгаков ҡасабаһын һайлаған, сөнки бында шәхси ер участкаһы булған. Яңы менеджмент производствоны ҡасабала асыуҙы уңышһыҙ ҡарар тип иҫәпләй, ләкин проектты кире бороу мөмкин түгел, тип белдерҙе Рәүеф Ноғоманов.
«Булгаков – ҙур тораҡ пункт, уның үҙ тормошо, халыҡҡа ҡамасауламаҫҡа тырышырға кәрәк, — тине йыйылышта дәүләт вәкиле булараҡ ҡатнашҡан республика башлығы хакимиәте етәксеһе Александр Сидякин. — Йөк тейәгән фуралар ҡасаба аша йөрөмәһен өсөн урау юл һалыу тураһында уйлау, ә әлегә ЮХХДИ менән иң хәүефһеҙ маршрутты ентекле өйрәнеү зарур».
Читайте нас в