Башҡортостанда Ростех Дәүләт корпорацияһы менән үҙ-ара эш итеү буйынса эшсе орган булдырыла

Башҡортостан Башлығының матбуғат хеҙмәте

IMPORT Сервисный

ӨФӨ, 2019 йыл, 22 май. /«Башинформ» мәғлүмәт агентлығы/. Ростех Дәүләт корпорацияһы делегацияһы эш сәфәре менән Башҡортостанда. Делегация составында корпорацияның төп йүнәлештәре вәкилдәре – етештереүҙе, иҡтисадты һәм финанс эшмәкәрлеген ойоштороу өлкәһендә етәкселәр һәм белгестәр бар.

«Беҙ авиатехника һәм комплектлаусылар етештереүселәрҙең барыһын бергә туплау маҡсатын ҡуябыҙ. Берләшкән авиатөҙөлөш корпорацияһы предприятиелары һәм беҙҙең предприятиеларҙың тәьмин ителешен ҡарарға һәм аңларға кәрәк: ҡайҙа ҡабатлау бар, ниндәй бүлектәрҙе ябырға мөмкин, ҡайҙа бер-береңде тулыландырырға, тәьмин итеүселәр менән эште нисек алып барырға», — тип билдәләне бөгөн делегация етәксеһе, Ростех авиация кластерының индустриаль директоры, «Берләшкән авиатөҙөлөш корпорацияһы» йәмғиәтенең директорҙар советы рәйесе Анатолий Сердюков Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров менән осрашыуҙа.

Уның һүҙҙәренсә, киләһе аҙым — Ростех авиация кластеры стратегияһын Берләшкән авиатөҙөлөш корпорацияһы стратегияһы менән берләштереү. «Төп бурыстарҙың береһе — холдингтың Башҡортостанда урынлашҡан һәм кластерға ингән предприятиеларында эште ентекле анализлау», тине Сердюков.

Һүҙ 35 меңдән ашыу кеше эшләгән ете предприятие хаҡында бара, тип билдәләне Радий Хәбиров.

«Улар – беҙҙең сәнәғәттең һәм иҡтисадтың нигеҙе, шуға ошо предприятиеларҙа барған һәр нәмә беҙҙең өсөн ҙур әһәмиәткә эйә. Был предприятиелар бөтә пландарҙы һәйбәт үтәй, – тине төбәк етәксеһе. – Һәр береһенең тиерлек үҙенең инвестиция программаһы бар. Инвестиция эшмәкәрлеге тормошҡа ашырылһа, Башҡортостан Хөкүмәте үҙенең яғынан ошо предприятиеларға һәр яҡлап ярҙам күрһәтергә әҙер».

Төбәктә Ростех предприятиеларының байтаҡ булыуын иҫәпкә алып, Башҡортостан етәксеһе Дәүләт корпорацияһы һәм республиканың дәүләт власы органдары араһында һөҙөмтәле һәм оператив үҙ-ара эш итеү өсөн даими эшләгән эшсе комиссия ойоштороу тәҡдимен индерҙе. Анатолий Сердюков был тәҡдимде хупланы.

http://www.bashinform.ru/news/1310986-v-bashkirii-budet-sozdan-rabochiy-organ-po-vzaimodeystviyu-s-goskorporatsiey-rostekh/

#ростех #радий хәбиров #анатолий сердюков

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.