Радий Хәбиров: Беҙ сүп-сарҙы айырым йыйыуға ынтылырға тейешбеҙ

glavarb.ru

IMPORT Сервисный

ӨФӨ, 2019 йыл, 25 апрель. /«Башинформ» мәғлүмәт агентлығы, Азат Ғиззәтуллин/. Башҡортостан Башлығы вазифаһын ваҡытлыса башҡарыусы Радий Хәбиров муниципалитет башлыҡтарын, торлаҡ-коммуналь хужалыҡ хеҙмәткәрҙәрен, күп фатирлы йорт советтары етәкселәрен халыҡ араһында аңлатыу эштәре алып барырға һәм республикала йәшәүселәрҙе сүп-сарҙы айырым йыйыуға өйрәтә башларға саҡырҙы. Республиканың ҡайһы бер ҡалаларында ПЭТ-тара, ҡағыҙ йыйыуҙың ыңғай миҫалдары бар.

«Был – беҙҙең киләсәгебеҙ, уны бөгөн үк хәстәрләү зарур. Торлаҡ-коммуналь хужалыҡ министрлығына ошо теманы пропагандаларға, мәктәп программаларына индерергә кәрәк. Беҙ шулай уҡ сүп-сарҙы айырым йыйыуҙың логистикаһын уйларға тейешбеҙ. Быға яй ғына аҙымдар менән күсә башларбыҙ, башҡа төбәктәрҙән артта ҡалмаҫбыҙ, унан да бигерәк беҙ ошо йәһәттән һөҙөмтәлерәк эшләйбеҙ, тигән бурыс ҡуям», — тине төбәк етәксеһе кисә «Торатау» конгрес-холында уҙған «Йорт идарасыһы» республика форумының пленар ултырышында.

Уның фекеренсә, төбәк операторҙары ла табыш килтергән бизнес менән шөғөлләнеүҙәрен, сүп-сарҙың төшөмлө икәнен аңлар.

Форумда ҡатнашыусылар Башҡортостан етәксеһенән Торлаҡ-коммуналь хужалыҡ министрлығына йорт яны биләмәһен межалау һәм кадастр иҫәбенә ҡуйыу, артабан уларҙы «Башҡортостан ихаталары» программаһы сиктәрендә йәшәүселәрҙең милкенә тапшырыу мәсьәләһен ҡарарға тигән йөкләмә биреүен һораны. Радий Хәбиров был тәҡдимде хуплауын белдерҙе.

Республика етәксеһенә күп фатирлы йорттарҙың техник документацияһы депозитарийын булдырыу тәҡдиме лә ҡыҙыҡлы тойолдо.

Радий Хәбиров шулай уҡ профилле министрлыҡҡа йорт идарасылары өсөн курстар үткәреү мөмкинлеген ҡарарға ҡушты.

«Йорт идарасыһы» республика форумында ҡатнашыусыларҙа идара итеүсе компанияларҙың ресурстарҙы һаҡлаусы предприятиелар алдындағы бурысы етди борсолоу тыуҙыра. Радий Хәбиров һүҙҙәренсә, был - бик мөһим мәсьәлә. Идара итеүсе компанияларҙың бурысы республика үҫешен тотҡарлай. Шул арҡала ҙур монополиялар инвестиция программаларын туҡтата башлай. Башҡортостанда халыҡтан түләүҙәр йыйыу бик юғары кимәлдә, ләкин был аҡса йылылыҡ, ут, һыу менән тәьмин итеүселәргә тулы күләмдә барып етмәй.

«Йыш ҡына берҙән-бер мөмкин булған механизм – административ тәьҫир, мәжбүр итеү, шул иҫәптән мутлыҡ факттары буйынса енәйәт эштәре ҡуҙғатыу», — тине Радий Хәбиров.

Башҡортостан етәксеһе «Йорт идарасыһы» форумында яңғыраған бөтә тәҡдимдәрҙең ентекле тикшереләсәген һәм шунан һуң уның республика министрлыҡтары, ведомстволары өсөн эштәр исемлеге төҙөләсәген билдәләне.

http://www.bashinform.ru/news/1302021-radiy-khabirov-my-dolzhny-stremitsya-k-razdelnomu-sboru-musora/

#торлаҡ-коммуналь хужалыҡ форумы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.