Башҡортостан һәм Өфө яңылыҡтары
92.13
-0.37
98.71
-0.2
87.8
-0.1
9+ °C
Болотло
Баш
Рус
Eng
Бөтә яңылыҡтар
Иҡтисад
28 Март 2019, 15:31
Республикала йылҡысылыҡты үҫтереүгә 100 миллион һум бүленә
Олег Яровиков
ӨФӨ, 2019 йыл, 28 март. /«Башинформ» мәғлүмәт агентлығы/. Башҡортостан предприятиелары һәм фермерҙары быйыл йылҡысылыҡты үҫтереүгә «2018-2020 йылдарҙа йылҡысылыҡты үҫтереү» ярҙамсы программаһы сиктәрендә республика бюджетынан 100 миллион һум самаһы аҡса алыу мөмкинлегенә эйә, тип хәбәр иттеләр республика Ауыл хужалығы министрлығынан. Бынан тыш,
«
Ауыл хужалығын үҫтереү һәм ауыл хужалығы продукцияһы, сеймал һәм аҙыҡ-түлек баҙарын көйләү» федераль программаһы аҡсаһын да ошо маҡсатта файҙаланырға була. Уны финанслауҙың дөйөм күләме 1,057 миллиард һум тәшкил итә, шул иҫәптән 2019 йылға — 344 миллион, 2020 йылға — 427,7 миллион һум.
Дәүләт ярҙамы селекцияға сығым өлөшөн ҡаплауға субсидия рәүешендә, шулай уҡ йылҡысылыҡ предприятиелары һәм ипподромдар проекттарында дәүләт-шәхси партнерлыҡ программаларында ҡатнашыу өсөн бирелә.
Башҡортостан илдә аттар һаны буйынса лидерҙарҙың береһе булып тора. Ҡымыҙҙы тулайым етештереү күләмендә төбәктең өлөшө 45% тәшкил итә. Йылҡыларҙың күбеһе — Урал аръяғында. 2018 йылда республикала 121,5 мең ат иҫәпләнгән, алдағы ике йылға бурыс — йылҡы иҫәбен меңгә арттырыу.
http://www.bashinform.ru/news/1290444-v-bashkirii-na-razvitie-konevodstva-vydelyat-100-mln-rubley/
Теги:
йылҡысылыҡ
дәүләт ярҙамы
Читайте нас: