Башҡортостан парламентарийҙары газондағы парковка өсөн штраф индергән законды еренә еткереп эшләргә ҡушты

Олег Яровиков

IMPORT Сервисный

ӨФӨ, 2019 йыл, 28 март. /«Башинформ» мәғлүмәт агентлығы, Азат Ғиззәтуллин/. Бөгөн, 28 мартта, Башҡортостан Дәүләт Йыйылышы депутаттары Административ хоҡуҡ боҙоуҙар тураһында кодексҡа газондарҙа, балалар һәм спорт майҙансыҡтарында автомобилдәрен ҡалдырып киткән кешеләр өсөн штраф индергән өҫтәмәләрҙе ҡараны. Оҙаҡ фекер алышҡандан һуң закон тәүге уҡыуҙа ғына ҡабул ителде. Ҡайһы бер парламентарийҙар законды ҡабул итер алдынан газондар һәм йәшелләндерелгән биләмәләрҙең аныҡ төшөнсәләрен, муниципалитеттарҙың газондарҙы тәртипкә килтереү өсөн яуаплылығын билдәләргә кәрәклеген әйтте. Физик һәм юридик берәмектәр өсөн штрафтың күләме буйынса бер нисә һорау бар.

«Ошо законды ҡабул итеү менән беҙ муниципалитеттарға ғәмһеҙ водителдәрҙе язаға тарттырыу мөмкинлеген бирәбеҙ, ләкин улар республикала парковкалар булдырыу менән дә шөғөлләнергә тейеш. Райондарҙағы административ комиссияларға протокол төҙөү һәм штраф яҙыу бурысы йөкмәтелә, газондарҙа, балалар һәм спорт майҙансыҡтарында автомобилдәр ҡалдырып китеү осраҡтарына шаһит булған кешеләр ҙә унда ялыу менән мөрәжәғәт итә ала», — тине парламенттың дәүләт төҙөлөшө, хоҡуҡ тәртибе һәм суд мәсьәләләре буйынса комитеты рәйесе Владимир Нагорный.

Дәүләт Йыйылышында Башҡортостан прокуратураһы вәкиле Руслан Исмәғилев һүҙҙәренсә, газондар һәм йәшел биләмәләр төшөнсәләре муниципалитеттарҙы төҙөкләндереү ҡағиҙәләрендә күптән билдәләнгән һәм хәҙер газондарҙа рөхсәтһеҙ парковка өсөн штраф индереү төбәктәр компетенцияһына инә. Фекер алышыуға йомғаҡ яһап, парламент спикеры Константин Толкачев дискуссия законды еренә еткереп эшләргә кәрәклеген күрһәтеүен билдәләне. Ул апрелдә Дәүләт Йыйылышының киләһе пленар ултырышында уҡ ҡаралырға тейеш.

http://www.bashinform.ru/news/1290402-deputaty-gossobraniya-otpravili-na-dorabotku-zakon-vvodyashchiy-shtrafy-za-parkovku-na-gazonakh/

#башҡортостан дәүләт йыйылышы #парковка өсөн штраф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.