Среда, 17 Июня 2026

Уфа

+22 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

12:44 (UTC+5), 20 Марта 2019

Республика онкология диспансерының яңы бинаһы 2020 йылдың беренсе кварталында файҙаланыуға тапшырыла

Олег Яровиков

IMPORT Сервисный

ӨФӨ, 2019 йыл, 20 март. /«Башинформ» мәғлүмәт агентлығы, Азат Ғиззәтуллин/. Республика онкология диспансерының хирургия корпусына төкәтмә төҙөү 2017 йылда башланды. Ошо ваҡыт эсендә объектта 339,5 миллион һум үҙләштерелде. Төҙөлөштөң дөйөм хаҡы 1,65 миллиард һумға баһалана, шуның 781 миллионы — төҙөлөш-монтаж эштәренә, 741,7 миллион һумы ҡорамалға тотонола.

18 ғинуарҙа Башҡортостан Хөкүмәте бойороғо менән ағымдағы йылға 907 миллион һум бүленде (Башҡортостан бюджеты — 407 миллион, Рәсәй бюджеты — 500 миллион һум). 2020 йылда был сумма 268,9 миллион һум тәшкил итә.

Бөгөн Башҡортостан Башлығы вазифаһын ваҡытлыса башҡарыусы Радий Хәбиров онкология диспансерының яңы бинаһын төҙөү барышы менән танышты. Республиканың һаулыҡ һаҡлау министры вазифаһын башҡарыусы Максим Забелин объектты 2020 йылдың тәүге кварталында файҙаланыуға тапшырырға йыйыныуҙары хаҡында һөйләне. Стационарҙың ҡеүәте — 240 койка-урын, сменаһына 450 кешене ҡабул итеүгә һәләтле. Беренсе ҡатта — стационарға ҡабул итеү бүлмәләре, регистратура, гардероб һәм бактериологик лаборатория менән айырым блок, икенселә — компьютер томографияһы, рентген тикшереүе һәм һанлы маммография кабинеттары, өсөнсөлә — трансфузиология хеҙмәте, дауалау-тикшереү һәм консультация биреү кабинеттары, ә 4-8-се ҡаттарҙа ике палата секцияһы менән биш стационар бүлексә була.

«Һеҙ яман шеш менән ауырыған кешеләр өсөн һуңғы өмөт, иң мөһиме, пациенттар тейешле дауа алырға тейеш», — тип билдәләне Радий Хәбиров.

Башҡортостан етәксеһе республика онкология диспансерының баш табибы Руслан Солтанов менән һөйләшеүҙә онкология сирҙәрен иҫкәртеүҙең һәм иртә стадияла асыҡлауҙың мөһимлеген билдәләне. Радий Хәбиров онкологияны иртә стадияларҙа асыҡлаған поликлиника хеҙмәткәрҙәренә премия биреү тураһында указға ҡул ҡуясағын белдерҙе. Премияның яҡынса күләме – һәр осраҡ өсөн 5 748 һум.

«Шулай уҡ алдағы өс йылда Башҡортостанда күп профилле дауаханаларҙа 13 амбулатор ярҙам үҙәге асыла: дүртәүһе — Өфөлә һәм туғыҙы — республика ҡалаларында», — тип һөйләне һаулыҡ һаҡлау министры вазифаһын башҡарыусы Максим Забелин, «Башинформ» агентлығының һорауына яуап биреп.

Уның һүҙҙәренсә, июндә Өфөлә Волга буйы федераль округы төбәктәре онкологтарының съезы уҙа. Унда иң шәп белгестәр үҙҙәренең тәжрибәһе менән уртаҡлашырға һәм дауалауҙың яңы алымдары тураһында һөйләргә тейеш.

1 из 9

http://www.bashinform.ru/news/1287157-novoe-zdanie-respublikanskogo-onkodispansera-budet-sdano-v-pervom-kvartale-2020-goda/

#онкология диспансеры #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.