Башҡортостандың 55 мең ауыл пенсионеры пенсияһына өҫтәмә алды

«Башинформ» мәғлүмәт агентлығы

IMPORT Сервисный

ӨФӨ, 2019 йыл, 18 март. /«Башинформ» мәғлүмәт агентлығы, Галина Бахшиева/. Республикала ауыл ерендә йәшәгән 54,5 мең пенсионер пенсияһына өҫтәмә алды. Был турала Рәсәй Пенсия фонды Башҡортостан бүлексәһенең матбуғат хеҙмәтенән хәбәр иттеләр.

Айлыҡ өҫтәмәнең күләме, ауылдағы стаж өсөн яңынан иҫәпләү менән бергә, 1333 һум 55 тин тәшкил итте.

Өсөнсө төркөм инвалидлығы булғандарҙың пенсияһы 667 һумға артты. 25 процентлыҡ өҫтәмә яңы, 1 ғинуарҙан артҡан билдәләнгән түләү күләменән — 5334,19 һумдан сығып иҫәпләнде.

Пенсияға ошондай өҫтәмә өс шарт үтәлгән осраҡта бирелә. Улар араһында — ауыл хужалығында 30 йылдан кәм булмаған стаж, ауыл ерендә йәшәү. Бынан тыш, пенсионер эшләмәҫкә тейеш.

Рәсәй Пенсия фондының Башҡортостан бүлексәһендә билдәләүҙәренсә, ауыл пенсионерҙарының пенсияһын яңынан иҫәпләү эше дауам итә.

Пенсионер Пенсия фонды идаралығына мөрәжәғәт итә һәм арттырылған түләүгә хоҡуғын раҫлаған өҫтәмә документтар тапшыра ала. 2019 йылдың аҙағына тиклем мөрәжәғәт иткән осраҡта, ҡайтанан иҫәпләү эше ағымдағы йылдың 1 ғинуарынан башҡарыла.

«Ғариза һуңыраҡ тапшырылһа, пенсия икенсе айҙан арта», — тине Рәсәй Пенсия фондының Башҡортостан бүлексәһе идарасыһы Фоат Хантимеров.

Ауыл пенсионерҙарына арттырылған түләү алыуға хоҡуҡ биргән стажды иҫәпләгәндә колхоз-совхоздарҙа һәм башҡа ауыл хужалығы предприятиеларында, ойошмаларында (малсылыҡта, үҫемлекселектә һәм балыҡсылыҡта) эшләү иҫәпкә алына.

http://www.bashinform.ru/news/1286044-55-tysyach-selskikh-pensionerov-bashkirii-poluchili-pribavku-k-pensii/

#пенсия фонды #пенсионерҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.