Башҡортостан Сочиҙағы инвестиция форумында агросәнәғәт комплексы өлкәһендә 30 миллиард һумға инвестиция килешеүҙәренә ҡул ҡуйҙы

Олег Яровиков

IMPORT Сервисный

ӨФӨ, 2019 йыл, 14 февраль. /«Башинформ» мәғлүмәт агентлығы, Азат Ғиззәтуллин/. Бөгөн, 14 февралдә, Сочиҙағы Рәсәй инвестиция форумында Башҡортостан тәүге инвестиция килешеүҙәренә ҡул ҡуйҙы. Улар агросәнәғәт комплексы өлкәһенә ҡағыла. Әйтәйек, Йәрмәкәй районында 2 800 һыйырға «Семен-Макар» ҙур малсылыҡ комплексын төҙөү, унда йылына 22 мең тоннанан ашыу юғары сортлы һөт етештереү күҙаллана. Ошонда уҡ һөт тоҡомло йәш мал үҫтереү өсөн 3 200 башҡа иҫәпләнгән майҙансыҡтар ҙа булдырыла. Инвестицияларҙың дөйөм күләме — яҡынса 3 миллиард һум. 112 яңы эш урыны булдырылған комплексты 2019 йылдың аҙағында сафҡа индереү планлаштырыла. Документҡа Башҡортостан Башлығы вазифаһын ваҡытлыса башҡарыусы Радий Хәбиров һәм инвесторҙың вәкиле — «Северная Нива Башкирия» яуаплылығы сикләнгән йәмғиәтенең генераль директоры Петр Дубянский ҡул ҡуйҙы.

Улар Бәләбәй һәм Бишбүләк райондарында өс малсылыҡ комплексын төҙөү буйынса инвестиция ниәттәре тураһында килешеүҙе лә ҡултамғалары менән нығытты. Дөйөм алғанда, «Северная Нива Башкирия» йәмғиәтенең проекты Йәрмәкәй, Бәләбәй һәм Бишбүләк райондары биләмәһендә 15 мең баш һыйырға дүрт һөт комплексын һалыуҙы күҙ уңында тота. Инвестицияларҙың дөйөм күләме — 17,4 миллиард һум.

Хәтерегеҙгә төшөрәбеҙ, компанияны ойоштороусы — «ЭкоНива» Рәсәй-Германия компаниялар төркөмө, штаб-фатиры Воронежда урынлашҡан. Уға Штефан Дюрр нигеҙ һалған.

Башҡортостан Башлығы вазифаһын ваҡытлыса башҡарыусы Радий Хәбиров, AVG Capital Partners тура инвестициялар фондының идарасы партнёры Рөстәм Мирғәлимов һәм LR Group (Израиль) генераль директоры Ами Листиг Кушнаренко районында 7 000 башҡа иҫәпләнгән һөт йүнәлешендәге малсылыҡ комплексын төҙөү буйынса ниәттәр тураһында килешеүгә лә ҡул ҡуйҙы.

Проекттың инициаторы — «Таврос» компаниялар төркөмөнә ингән «Башкир-Молоко» яуаплылығы сикләнгән йәмғиәте. 2019-2020 йылдарҙа төҙөү күҙалланған комплекс һәр береһе 3 500 һауын һыйыры буйынса ике заманса һөт-тауар фермаһын (Израиль технологиялары ҡулланыла), шулай уҡ мал аҙығы үҙәген үҙ эсенә ала. Проектҡа инвестициялар күләме 10 миллиард һум тәшкил итә.

http://www.bashinform.ru/news/1273445-bashkiriya-na-rossiyskom-investforume-v-sochi-podpisala-investsoglasheniya-v-sfere-apk/

1 из 6

#инвестиция форумы #агросәнәғәт комплексы #сочи

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.