Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
12 Февраль 2019, 11:37

Башҡортостанда киҫкен респиратор вирус инфекцияһы менән сирләүҙең 33 меңдән ашыу осрағы теркәлгән

ӨФӨ, 2019 йыл, 12 февраль. /«Башинформ» мәғлүмәт агентлығы, Гөлфиә Акулова/. Башҡортостанда балалар һәм өлкәндәр араһында киҙеү һәм киҫкен респиратор вирус инфекцияһы менән сирләү осраҡтары арта. Һуңғы аҙнала (4 февралдән 10-ына тиклем) 33 меңдән күберәк кешегә «киҫкен респиратор вирус инфекцияһы» диагнозы ҡуйылған, уларҙың 63% ашыуы (21,1 меңе) — балалар.
Башҡортостан буйынса Роспотребнадзорҙың матбуғат хеҙмәте мәғлүмәттәре буйынса, республика биләмәһендә киҙеү һәм ОРВИ менән сирләүҙең эпидемик күтәрелеше башланыуы теркәлгән. Эпидемик сик 45,9% күтәрелгән, бынан алдағы аҙна менән сағыштырғанда 28% артҡан.
Өфөлә киҫкен респиратор вирус инфекцияһы менән ауырыуҙың 9,9 мең осрағы теркәлгән, уларҙың яртыһынан ашыуы — балалар (5,2 мең). Өфөләр араһында ОРВИ менән сирләү эпидемик сиктән 33,6% юғары.
Киҙеү һәм киҫкен респиратор вирус инфекцияһы көсәйгән миҙгел башланыуға бәйле белгестәр шәхси профилактика сараларын иҫкә төшөрә:
халыҡ күп йыйылған урындарға барыу һәм йәмәғәт транспортында йөрөү ваҡытын ҡыҫҡартырға;
халыҡ күп йөрөгән урындарҙа битлек кейергә;
сирле кешеләр менән аралашыуҙан тыйылырға;
бинаны даими елләтергә, һыулы сепрәк менән таҙартырға;
С витамины булған аҙыҡ-түлек, һарымһаҡ һәм һуған ҡушылған ризыҡтар ашарға;
табип кәңәше менән иммунитетты күтәреүсе препараттар ҡулланырға;
ғаиләлә йәки эшләгән коллективта грипп менән ауырыусылар булһа, иҫкәртеү маҡсатында вирусҡа ҡаршы препараттар ҡабул итә башларға (табип менән кәңәшләшеп).
Читайте нас: