Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Болотло
Бөтә яңылыҡтар
Иҡтисад
6 Февраль 2019, 15:47

Башҡортостандың дүрт юғары уҡыу йорто Рәсәй Мәғариф министрлығының һөҙөмтәлелек рейтингына инде

Башҡорт дәүләт университетының Стәрлетамаҡ филиалы
Башҡорт дәүләт университетының Стәрлетамаҡ филиалы
ӨФӨ, 2019 йыл, 6 февраль. /«Башинформ» мәғлүмәт агентлығы/. Рәсәйҙең Мәғариф һәм фән министрлығы 2018 йыл өсөн ил университеттарының һөҙөмтәлелек рейтингын иғлан итте. Унда 1314 дәүләт, дәүләткә ҡарамаған, муниципаль һәм төбәк юғары уҡыу йорттары, шул иҫәптән 583 филиал, 10 федераль университет, 29 милли тикшеренеү университеты ҡатнашты. Мониторинг ете күрһәткес буйынса үткәрелде: мәғариф, фәнни-тикшеренеү, халыҡ-ара, финанс-иҡтисади эшмәкәрлек, уҡытыусыларҙың эш хаҡы, уны тамамлаусыларҙың эшкә урынлашыуы һәм өҫтәмә күрһәткес; дүрт йүнәлеш буйынса сикке билдәне үткән вуз һөҙөмтәле тип иҫәпләнә.
Башҡортостанда 29 юғары уҡыу йорто баһаланды. Алтауһы иң һөҙөмтәле тип танылды. Улар — Башҡорт дәүләт университетының Стәрлетамаҡ филиалы, Өфө дәүләт нефть техник университеты һәм уның Салауаттағы филиалы, Өфө дәүләт авиация техник университеты, Башҡорт дәүләт медицина университеты. Башҡорт дәүләт университетының Сибай филиалы быйыл тәүге тапҡыр барлыҡ күрһәткестәрҙе үтәне. Уҙған йылда ул «Мәғариф эшмәкәрлеге» күрһәткесенә өлгәшмәне.
Читайте нас: