Республикала эш хаҡы буйынса бурыс ике аҙнала 135 миллион һумға кәмегән

Олег Яровиков

IMPORT Сервисный

ӨФӨ, 2018 йыл, 28 декабрь. /«Башинформ» мәғлүмәт агентлығы, Галина Бахшиева/. Һуңғы ике аҙнала Башҡортостанда эш хаҡы буйынса бурыс 635,5 миллиондан 500 миллион һумға тиклем кәмегән, тип белдерҙе республика хөкүмәтендәге оператив кәңәшмәлә Башҡортостан Республикаһындағы Дәүләт хеҙмәт инспекцияһы етәксеһе Татьяна Астрелина.

Астрелина әйтеүенсә, ҡатнашы булған барлыҡ ведомстволарҙың әүҙем эшләүе һөҙөмтәһендә хеҙмәткәрҙәр алдындағы эш хаҡы буйынса бурыстың артыуын туҡтатырға һәм шул рәүешле 10 декабрҙә республика Башлығы вазифаһын ваҡытлыса башҡарыусы Радий Хәбиров биргән йөкләмәне үтәү мөмкин булды.

«Хеҙмәт хаҡы буйынса бурысты кәметеүгә йүнәлтелгән оператив саралар планы әҙерләнде. Берлектәге эш һөҙөмтәһендә ошо ике аҙнала беҙ граждандарға 124 миллион һумдан ашыу тотҡарланған эш хаҡын түләттереүгә өлгәштек. Был 1 декабрҙә яңғыраған һандан 20 процент», — тип белдерҙе ведомство етәксеһе.

Хеҙмәткәрҙәр алдындағы бурысын тулыһынса ҡаплаған ойошмалар иҫәбендә — «Рощинский» совхозы, ДСК «КПД» (Өфө ҡалаһы), «БашНИИстрой» институты» предприятиеһы, Стәрлетамаҡ механика заводы. Бынан тыш, «Өфө хакимиәтенең әүҙемлеге менән торлаҡ-файҙаланыу ойошмалары хеҙмәткәрҙәренә аҡса түләнде», тип өҫтәне Башҡортостандағы Дәүләт хеҙмәт инспекцияһы етәксеһе.

Шуның менән бергә, Өфө фанера комбинатында һәм Әмзә урман комбинатында әүәлгесә хеҙмәт хаҡы буйынса ҡатмарлы хәл һаҡлана. Бында 2014 йылдан алып эш хаҡын тотҡарлау күҙәтелә.

Ошо ике предприятиела эш хаҡы буйынса дөйөм бурыс 60 миллион һумға етә. Килеп тыуған мәсьәләне хәл итеүҙә хоҡуҡ һаҡлау органдарының ярҙамы кәрәк, тип иҫәпләй республика Башлығы вазифаһын ваҡытлыса башҡарыусы Радий Хәбиров.

Ул Дәүләт хеҙмәт инспекцияһына, Хеҙмәт министрлығына һәм башҡа ведомстволарға төбәктә хеҙмәт хаҡы бурысын кәметеү буйынса башҡарылған эш өсөн рәхмәт белдерҙе.

Радий Хәбиров һүҙҙәренсә, хеҙмәт хаҡы бурысын кәметеү буйынса тәүге һөҙөмтәләр бар, улар уртаса. Эш киләһе 2019 йылда ла дауам итә.

http://www.bashinform.ru/news/1257088-zadolzhennost-po-zarplate-v-bashkirii-snizilas-do-0-5-mlrd-rubley/

#эш хаҡы буйынса бурыс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.