Республика ауылды үҫтереү буйынса милли проекттың пилот төбәге булырға әҙер

ӨФӨ, 2018 йыл, 28 декабрь. /«Башинформ» мәғлүмәт агентлығы, Азат Ғиззәтуллин/. Башҡортостан милли проектты тормошҡа ашырыу буйынса пилот төбәге статусына дәғүә итеүе мөмкин, ауыл биләмәләрен үҫтереү федераль программаһына ошондай статус бирелгән осраҡта. Был хаҡта «Интерфакс-Поволжье» агентлығына республика хөкүмәте премьер-министры — ауыл хужалығы министры Илшат Фазрахманов хәбәр итте.

«Рәсәйҙә ауыл биләмәләрен үҫтереүгә махсус иғтибар бирергә кәрәк, был өлкә айырым милли проект булыуы мөмкин», — тине Рәсәй Хөкүмәте вице-премьеры Алексей Гордеев «Берҙәм Рәсәй» партияһы съезында ауылды үҫтереү мәсьәләләренә арналған фекер алышыу майҙансығында.

Республика был идеяны хуплай, тип билдәләне Илшат Фазрахманов.

«Башҡортостан Республикаһының ауыл биләмәләрен тотороҡло үҫтереү» ярҙамсы программаһын тормошҡа ашырыуҙың һөҙөмтәле практикаһын һәм беҙҙең тәжрибәне иҫәпкә алып, ошо милли проект өсөн пилот төбәге булып сығыш яһай алабыҙ», — тине аграр ведомство башлығы.

Һуңғы дүрт йылда (2014-2017 йылдар) ауыл биләмәләрен үҫтереү программаһын тормошҡа ашырыуға 6 миллиард һумдан йүнәлтелде. 2019 йылда субсидиялар күләме 1 миллиард һум тәшкил итә, шул иҫәптән 578,7 миллионы — федераль бюджеттан һәм 431,9 миллионы — төбәк ҡаҙнаһынан.

http://www.bashinform.ru/news/1256666-bashkortostan-gotov-stat-pilotnym-regionom-natsproekta-po-razvitiyu-sela/

Теги:милли проекттар ауыл хужалығы министрлығы

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».