Воскресенье, 21 Июня 2026

Уфа

+22 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

12:34 (UTC+5), 04 Декабря 2018

Белорет металлургия комбинаты импортты алмаштырыусы ҡорос канаттар етештерә башланы

IMPORT Сервисный

ӨФӨ, 2018 йыл, 4 декабрь. /«Башинформ» мәғлүмәт агентлығы, Азат Ғиззәтуллин/. Белорет металлургия комбинатында бөгөн импортты алмаштырыусы ҡорос арҡандар производствоһы асылды. Тантаналы сарала Башҡортостан Башлығы вазифаһын ваҡытлыса башҡарыусы Радий Хәбиров ҡатнашты.

Яңы ҡорамал полимер менән ҡапланған 6-12 шәлкемле арҡандар үрергә мөмкинлек бирә. Улар тау-руда һәм нефть сығарыу, шулай уҡ күпер һәм карап төҙөү тармаҡтарында импортты алмаштырырға тейеш. Проекттың хаҡы 511 миллион һумдан ашыу тәшкил иткән, 2016 йылда комбинат Рәсәй Федерацияһының Сәнәғәтте үҫтереү фондынан 255 миллион һумдан күберәк льготалы заем алған, ҡалған сумма — комбинаттың үҙенең аҡсаһы. Проект 60-тан ашыу яңы эш урыны булдырырға мөмкинлек бирҙе.

«Беҙ Рәсәйҙә аналогы булмаған канат продукцияһын етештерәсәкбеҙ. Ҡыҙғанысҡа ҡаршы, бөгөн яңы производстволар асыу — һирәк күренеш, беҙ уның Белоретта барлыҡҡа килеүе менән ғорурланабыҙ», — тип һөйләнеләр «Башинформ» агентлығына яңы предприятие хеҙмәткәрҙәре. Уларҙың һүҙҙәренсә, производствола уртаса хеҙмәт хаҡы 40 мең һумдан ашыу тәшкил итергә тейеш. Яңы ҡорамалда эшләү өсөн хеҙмәткәрҙәр ҡабаттан уҡытылған.

Предприятие музейы буйлап экскурсия барышында төбәк башлығы Радий Хәбировты Белорет металлургия комбинатының тарихы менән таныштырҙылар. Предприятие продукцияһы төрлө, шул иҫәптән радиоэлектрон тармаҡтарҙа файҙаланыла. Комбинат Рәсәйҙә диаметры 0,009 миллиметрға тиклемге микросым сығарылған берҙән-бер предприятие булып тора. Башҡортостан Башлығы ошо микросым ҡулланылған махсус аппаратураға Белорет металлургия комбинаты эшселәре өсөн сәләмләү яҙҙырҙы. Ул самолеттар өсөн «ҡара йәшниктәр» етештерелгән предприятиеларға ла оҙатыла.

«Беҙҙең илдә һәм республикала ҙур сәнәғәт предприятиелары йәки цехтар асыу йыш күҙәтелмәй. Был - беҙҙең өсөн ҙур һәм шатлыҡлы ваҡиға. Проектты Рәсәй Федерацияһының Сәнәғәтте үҫтереү фонды ла хупланы, был беҙгә тормошҡа ашырылғандарҙың тәүгеһе генә тип уйларға өмөт бирә. Бөгөн коллегаларыбыҙ Белорет металлургия комбинаты менән берлектә комбинатты үҫтереү буйынса хаҡы 1 миллиард һумдан ашыулыҡ тағы ла ҙурыраҡ проект әҙерләй», – тине Радий Хәбиров, предприятие эшселәренә мөрәжәғәт итеп.

Яңы ҡорамалдың етештереүсәнлеге – йылына 15 мең тонна продукция. Уны эшләтеп ебәреү 68 яңы юғары етештереүсәнле эш урындарын булдырырға мөмкинлек бирҙе.

http://www.bashinform.ru/news/1246659-na-bmk-zapushcheno-novoe-iportozameshchayushchee-proizvodstvo-stalnykh-kanatov/

1 из 12

#белорет #белорет металлургия комбинаты #импортты алмаштырыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.