Радий Хәбиров: Башҡортостан менән Ставрополь крайының мөнәсәбәттәре тығыҙ һәм емешле

Олег Яровиков

ӨФӨ, 2018 йыл, 30 ноябрь. /«Башинформ» мәғлүмәт агентлығы, Азат Ғиззәтуллин/. Бөгөн Башҡортостан Башлығы вазифаһын ваҡытлыса башҡарыусы Радий Хәбиров һәм Ставрополь крайы губернаторы Владимир Владимиров ике төбәк араһында сауҙа-иҡтисади хеҙмәттәшлек тураһындағы килешеүгә өҫтәмә документтарға ҡул ҡуйҙы. Килешеү бер йыл элек төҙөлгәйне.

«Беҙҙең һауыҡтырыу курорттарында Башҡортостандан йөҙҙән ашыу бала ял итте. Был — ошо өлкәлә хеҙмәттәшлегебеҙҙең башы. Республикағыҙҙа лайыҡлы һәм гүзәл урындарҙың күп икәнлеген беләм. Тауар әйләнеше беҙҙә арта, был тәү сиратта Башҡортостандың һәм беҙҙең төбәктең иҡтисады үҫеше менән бәйле. Башҡортостан — ҙур машиналар эшләү төбәге, Ставрополь өсөн был ҙур ярҙам, айырыуса ауыл хужалығының экспорт ҡеүәте үҫеше өсөн, беҙ шулай уҡ бизнес-миссиялар менән алмашыу хаҡында һөйләшеп килештек. Башҡортостан баҙары премиаль булып тора, шуға күрә был — предприятиеларыбыҙ өсөн өҫтөнлөклөләрҙең береһе. Мәҫәлән, республика биләмәһендә яҡынса 12 мең тонна ябыҡ тупраҡта үҫтерелгән йәшелсә һатабыҙ», — тип билдәләне Ставрополь губернаторы.

Владимир Владимиров һүҙҙәренсә, ил төбәктәре алдында Рәсәй Президентының май указында билдәләнгән ҙур амбициялы бурыстар тора.

«Алты йыл эсендә иҡтисадта икеләтә үҫешкә өлгәшергә тейешбеҙ. Бөгөн ҡул ҡуйылған документтар нигеҙендә — дәүләт башлығы билдәләгән бурыстар, һәм беҙ уларҙы бергәләп хәл итербеҙ. Бөгөн төбәктәребеҙ араһында тауар әйләнеше 14 миллион доллар тәшкил итә, тимәк, был һан кәм тигәндә бермә-бер артырға тейеш».

Башҡортостан етәксеһе уны һүҙҙәрен хуплап, төбәктәргә иҡтисади күрһәткестәрҙе арттырыуҙан тыш, сабыйҙар үлеме, ғүмер оҙайлығын арттырыу, йөрәк-ҡан тамырҙары һәм онкология ауырыуҙарынан үлем осраҡтарын кәметеү мәсьәләләрен хәл итеү кәрәклеген билдәләне.

«Рәсәй Президентының май указы — алға генераль план, илдең алға китеше өсөн уникаль мөмкинлек», — тине Радий Хәбиров.

Башҡортостан менән Ставрополь крайын тығыҙ һәм емешле мөнәсәбәттәр бәйләй, Ставрополь губернаторының Өфө дәүләт нефть техник университетында белем алыуы ла йоғонто яһай, тип иҫәпләй республика етәксеһе.

Башҡортостан Башлығы журналистарға республиканың Ставрополгә нефть химияһы, сәнәғәт продукцияһын оҙатырға һәм крайҙың ауыл хужалығын алып барыуҙың алдынғы алымдарын үҙләштерергә әҙер булыуы хаҡында һөйләне.

1 из 7

http://www.bashinform.ru/news/1245215-radiy-khabirov-u-bashkortostana-i-stavropolskogo-kraya-tesnye-i-plodotvornye-otnosheniya/

#радий хәбиров #төбәк бәйләнештәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.