Рәсәй Хөкүмәте 2019 йылға эшһеҙлек пособиеһының күләмен раҫланы

автор

IMPORT Сервисный

ӨФӨ, 2018 йыл, 20 ноябрь. /«Башинформ» мәғлүмәт агентлығы, Ксения Калинина/. Рәсәй Федерацияһы Хөкүмәте 2019 йылға эшһеҙлек пособиеһының минималь һәм максималь күләмен раҫланы. Тейешле ҡарарға премьер-министр Дмитрий Медведев ҡул ҡуйған. Документ рәсми хоҡуҡи мәғлүмәт интернет-порталында баҫылған.

Ҡарарҙа билдәләнеүенсә, эшһеҙ тип танылған граждандар өсөн пособиеның иң аҙы — 1 500 һум, иң күбе 8 000 һум тәшкил итә.

Пенсия алды йәшендәге кешеләр өсөн эшһеҙлек пособиеһының иң аҙы — 1 500 һум, иң күбе 11 280 һум була.

«2019 йылдың 1 ғинуарынан ошо датанан һуң эшһеҙ тип танылған граждандарға эшһеҙлек пособиеһын түләүҙең яңы тәртибе индерелә. Атап әйткәндә, пенсия алды йәшендәге граждандарға эшһеҙлек пособиеһын түләүҙең яңы шарттары билдәләнә, — тиелә документтың аңлатмаһында. — Федераль бюджетта 2019 йылға билдәләнгән тәртиптә эшһеҙ тип танылған граждандарға социаль түләүҙәр өсөн 53,4 миллиард һум күләмендә бюджет ассигнованиелары ҡаралған».

«Башинформ» агентлығы хәбәр иткәнсә, октябрҙә Башҡортостанда эшһеҙлек пособиеһының уртаса күләме 4 189 һум, йәки эшкә һәләтле халыҡ өсөн йәшәү минимумы дәүмәленән 43,9% тәшкил итте. Ноябрь башына республикала 17,9 мең самаһы теркәлгән эшһеҙ иҫәпләнгән. Йыл башында төбәктә яҡынса 20,7 мең «рәсми» эшһеҙ йәшәгән. Һуңғы мәғлүмәттәр буйынса, Башҡортостанда иҡтисади яҡтан әүҙем халыҡ һаны — 1,964 миллион кеше. Халыҡ-ара хеҙмәт ойошмаһы стандарттарына ярашлы, республикала эшһеҙҙәр һаны 95,5 мең кеше тәшкил итә. Әле Башҡортостанда хеҙмәткә түләүҙең минималь күләме — 12 837 һумдан ашыу. Төбәктә уртаса хеҙмәт хаҡы — 32 227 һум.

http://www.bashinform.ru/news/1240560-pravitelstvo-rossii-utverdilo-razmer-posobiya-po-bezrabotitse-na-2019-god/

#эшһеҙлек #рәсәй хөкүмәте

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.