Өфөлә «Беҙҙең бренд» тигән аҙыҡ-түлек фестивале уҙа

ӨФӨ, 2018 йыл, 7 ноябрь. /«Башинформ» мәғлүмәт агентлығы, Розалиә Вәлиева/. Өсөнсө «Беҙҙең бренд» аҙыҡ-түлек фестивале 14-17 ноябрҙә Өфөлә үтә, тип хәбәр ите республиканың Ауыл хужалығы министрлығының матбуғат хеҙмәте.

Фестивалдә Өфөнән һәм Рәсәй төбәктәренән 100-ҙән ашыу компанияның ҡатнашыуы көтөлә. Улар иң яҡшы аҙыҡ-түлек һәм эсемлек өлгөләре, өр-яңы ҡаҙаныштар һәм технологиялар менән таныштыра.

Эшлекле программа сиктәрендә «Географик индикаторҙар менән аҙыҡ-түлек. Донъя тәжрибәһе һәм Рәсәйҙең мөмкинлектәре», «Тәьмин итеүсе көнө» сауҙа-һатып алыу сессияһы, «Фермерҙарҙың тауарҙарын танытыу. Уңыш серҙәре», «ФOODNET. Ысынбарлыҡ һәм киләсәк», «Балалар. Туҡланыу. Сәләмәтлек», «Сауҙа һәм етештереүселәр. Иҡтисади кооперация формаһы» түңәрәк өҫтәлдәре, шулай уҡ «Рәсәй фермерҙарының аҙыҡ-түлегенән аш-һыу» оҫталыҡ дәрестәре һәм сауҙа мәктәбе уҙа.

Күргәҙмәлә «Беҙҙең бренд» аҙыҡ-түлектән ауыҙ итеү конкурсы һәм Рәсәй бариста чемпионатының Волга буйы төбәгендә һайлап алыу этабы була.

http://www.bashinform.ru/news/1234608-v-ufe-proydet-produktovyy-festival-nash-brend/