82.02
-0.57
Башҡортостан һәм Өфө яңылыҡтары
93.25
-0.08
67.96
+2.11
10+ °C
Болотло
Бөтә яңылыҡтар
Иҡтисад
1 Ноябрь 2018, 15:30
Башҡортостандың 2019 йылға бюджет проекты Дәүләт Йыйылышына ҡарауға индерелде
«Башинформ» мәғлүмәт агентлығы
ӨФӨ, 2018 йыл, 1 ноябрь. /«Башинформ» мәғлүмәт агентлығы, Азат Ғиззәтуллин/. Бөгөн, 1 ноябрҙә, Башҡортостан Башлығы вазифаһын ваҡытлыса башҡарыусы Радий Хәбиров алдағы өс йылға бюджет документтары пакетын республика Дәүләт Йыйылышына ҡарауға индерҙе. Быға тиклем закон проекты республика Хөкүмәте ултырышында ҡаралды һәм хупланды. 2019 йылда Башҡортостан бюджетының килеме — 172,2 миллиард һум, сығымы 192,2 миллиард һум суммаһында ҡаралған. 20 миллиард һум күләмендәге дефицит үткән йылдарҙа тупланған резервтар менән тулы күләмдә тәьмин ителгән.
«Был бюджет проекты – баланслы, социаль мәсьәләләрҙе хәл итеүгә йүнәлтелгән. Күп йылдар эсендә тәүге тапҡыр беҙ социаль инфраструктураға ҙур ғына аҡса һалдыҡ. Беҙҙең бюджет сәйәсәте һәр саҡ республикала йәшәүселәрҙең мәнфәғәттәрен күҙ уңында тотоп төҙөләсәк. Һәр бер һум ҡала һәм райондарҙы үҫтереү, төҙөкләндереү, халыҡтың йәшәү сифатын күтәреү өсөн эшләргә тейеш. Киләһе юбилей йылында тиҫтәләрсә социаль объекттарҙы файҙаланыуға тапшырабыҙ. Мәктәптәр, балалар баҡсалары, дауаханалар, поликлиникалар, фельдшер-акушерлыҡ пункттары, мәҙәни һәм спорт үҙәктәрен төҙөүҙе дауам итәбеҙ. Артабан да ошо йүнәлештә эшләрбеҙ», — тип билдәләне Радий Хәбиров.
Бюджет сығымдары структураһында барлыҡ социаль өҫтөнлөктәр һаҡланған һәм һиҙелерлек киңәйтелгән. Бынан алда раҫланған өс йыллыҡ бюджет параметрҙары менән сағыштырғанда, яңы проектта бюджет өлкәһе хеҙмәткәрҙәренең хеҙмәт хаҡын арттырыуға, төҙөлөшкә, социаль объекттарҙы ремонтлауға, йыһазландырыуға, халыҡҡа социаль түләүҙәргә, автомобиль юлдарының хәүефһеҙлеген һәм сифатын күтәреүгә, ауылға булышлыҡ итеүгә, кешеләрҙең торлаҡ шарттарын яҡшыртыуға сығымдар күләме арттырылған.
Бынан алда бюджет документтары проекты ҡаралған Хөкүмәт ултырышында Радий Хәбиров бюджет социаль булырға тейеш, ә уны тулыландырыу өсөн өҫтәмә аҡсаны федераль хөкүмәт менән тығыҙ бәйләнештә эшләп табырға кәрәклеге тураһында әйткәйне.
http://www.bashinform.ru/news/1232696-proekt-byudzheta-bashkirii-na-2019-god-vnesen-na-rassmotrenie-v-gossobranie-/
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».