Республикала шәхси сыр ҡайнатыусылар 200 тонна сыр етештергән

ӨФӨ, 2018 йыл, 29 октябрь. /«Башинформ» мәғлүмәт агентлығы/. Башҡортостандың 20 шәхси сыр ҡайнатыусыһы туғыҙ айҙа 200 тонна сыр етештергән. Сыр ҡайнатыу кәсепселегенә дөйөм продукция өлөшөнөң 2 проценты тура килә. Ҡалған 98 процентын Бәләбәй һөт комбинаты етештерә. Республикала бер йылда 13,2 мең тонна сыр һәм сыр ризыҡтары етештерелә. Продукцияның 60 проценты төбәктән ситкә сығарыла. 2019 йылда 1 процентҡа күберәк сығарыу күҙаллана.

«Алдыбыҙға амбициялы маҡсаттар ҡуябыҙ. 2030 йылға Рәсәйҙең сырлы баш ҡалаһына әйләнергә тейешбеҙ. Системалы үҫешәсәкбеҙ, беҙ уны нисек эшләргә кәрәклеген аңлайбыҙ», — тип «Интерфакс» вице-премьер – ауыл хужалығы министры Илшат Фәзрахмановтың телмәренән өҙөмтә килтерә.

http://www.bashinform.ru/news/1230339-v-bashkirii-chastnye-syrovarni-proizveli-200-tonn-syra-/