Башҡортостан һәм Өфө яңылыҡтары
88.88
+0.27
97.65
+0.58
84.03
+1.15
-11 °C
Болотло
Бөтә яңылыҡтар
Иҡтисад
29 Октябрь 2018, 12:01

Радий Хәбиров республикалағы берҙән-бер һарыҡсылыҡ кластерын ҡараны

Олег Яровиков
Олег Яровиков
ӨФӨ, 2018 йыл, 29 октябрь. /«Башинформ» мәғлүмәт агентлығы, Азат Ғиззәтуллин/. Башҡортостан Башлығы вазифаһын ваҡытлыса башҡарыусының Урал аръяғы буйлап эш сәфәре Ейәнсура районында тамамланды. «Маяҡ» ауыл хужалығы етештереү кооперативында төбәк етәксеһенә республикалағы берҙән-бер һарыҡсылыҡ кластерының нисек үҫешеүен күрһәттеләр.
Ейәнсура районы хакимиәте башлығы Дәмин Юланов 2012 йылдан инвестициялар күләме 155,3 миллион һум тәшкил итеүе хаҡында һөйләне. Хужалыҡта 9,5 мең Волгоград тоҡомло һарыҡ аҫрала. Улар йөнө нәҙек, сифатлы булыуы менән айырыла.
«Маяҡ» ауыл хужалығы етештереү кооперативы ошо тоҡомдо үрсетеү буйынса тоҡомсолоҡ хужалығы булып тора. Итте һатыуҙан тыш, урындағы аграрийҙар йөндө уңышлы һатыуҙы ла яйға һалған. Ул сит илдәргә, шулай уҡ уҡ Ҡытайға оҙатыла.
Ике йыл элек кластер агрофранчайзинг системаһына күскән. 2020 йылға һарыҡтарҙы 20 мең башҡа еткереү күҙаллана.
Шәмбе һәм йәкшәмбе көндәрендә Радий Хәбиров эш сәфәре менән Урал аръяғына барҙы. Сәфәр барышында ул халыҡ менән аралашты, Әбйәлил, Баймаҡ, Хәйбулла һәм Ейәнсура райондары предприятиеларында булды.
http://www.bashinform.ru/news/1230749-radiy-khabirov-osmotrel-edinstvennyy-v-respublike-ovtsevodcheskiy-klaster/
Читайте нас в