Радий Хәбиров Lasselsberger компанияһы ойоштороусылары менән артабанғы хеҙмәттәшлекте тикшерҙе

Башҡортостан Башлығының матбуғат хеҙмәте

Галина Бахшиева

ӨФӨ, 2018 йыл, 26 октябрь. /«Башинформ» мәғлүмәт агентлығы, Галина Бахшиева/. Башҡортостан Башлығы вазифаһын ваҡытлыса башҡарыусы Радий Хәбиров Lasselsberger компанияһы ойоштороусыһы Йозеф Ласселсбергер менән осрашты. Яҡтар киләсәктә хеҙмәттәшлекте үҫтереүҙе, компанияның төбәк биләмәһендә инвестиция проекттарын ғәмәлгә ашырыу барышын тикшерҙе, тип хәбәр иттеләр республика етәксеһенең матбуғат хеҙмәтендә.

Бөгөнгө көнгә Өфөлә керамика плиткалары етештереү буйынса Европала иң ҙур заводтарҙың береһе — Lasselsberger Ceramics эшләй. Уның йыллыҡ ҡеүәте – 10 миллион квадрат метр плитка.

Йозеф Ласселсбергер һүҙҙәренсә, компания йыллыҡ етештереүҙе 20 миллион квадрат метрға тиклем арттырырға ниәтләнә.

Киләһе йылда кәрәкле ҡорамалдарға заказ бирелә. Төҙөлөш-монтаж эштәрен 2020 йылда тамамлау күҙаллана.

Радий Хәбиров республика Хөкүмәтенә был инвестиция проектын өҫтөнлөклөләр иҫәбенә индереү мөмкинлеген ҡарарға тәҡдим итте.

Әбйәлил районында компанияның тағы бер ҙур инвестиция проекты – ҡоро төҙөлөш ҡатышмаһы етештереү буйынса завод төҙөү. Проект йылына 200 мең тонна аҡ цемент, 100 мең тонна микрокальцит (тарттырылған эшбизташ) етештереү буйынса цехтар, шулай уҡ йылына 300 мең тонна төҙөлөш ҡатышмалары әҙерләү һәм төрөү цехы төҙөүҙе күҙ уңында тота.

«Был проект өсөн байтаҡ төбәктәр көрәште, әммә беҙ Башҡортостанда ҡалырға булдыҡ, - тип айырып әйтте Йозеф Ласселсбергер. - Республика етәкселеге менән яҡшы мөнәсәбәттәр барлыҡҡа килде. Бында хеҙмәттәшлеккә, килеп тыуған ҡыйынлыҡтарҙы тиҙ арала хәл итеүгә ниәтләнгәндәрен күрәбеҙ. Бер һүҙ менән, был үҫеш өсөн яҡшы биләмә».

Бынан тыш, осрашыуҙа инвестиция килешеүен үтәү барышы, яҡтар йөкләмәләре тикшерелде. Атап әйткәндә, республика төҙөлөш ваҡытында объектты 2 Мвт күләмендә электр менән тәьмин итте. Киләсәктә заводты 14 Мвт ҡеүәтле энергия менән тәьмин итеү, газ һуҙыу, автомобиль юлы төҙөү күҙаллана. Заводтың уңышлы эшләүе өсөн кәрәк тимер юл тармағын ҡушма финанслау шарттарында төҙөү күҙ уңында тотола.

Проекттың беренсе этабын тормошҡа ашырыу сиктәрендә инвестициялар күләме 2 миллиард һумдан артып китә, кәмендә 220 эш урыны булдырыла.

«Башҡортостанда сираттағы ҙур инвестиция проектын тормошҡа ашырыуығыҙ һәйбәт. Республикабыҙға ышаныс белдергәнегеҙ өсөн рәхмәтлемен, - тине Радий Хәбиров. - Башҡортостандың көньяҡ райондары күбеһенсә аграр булыуын беләһегеҙ, ә һеҙ унда ҙур етештереү урыны, яңы эш урындары булдыраһығыҙ, шуның менән байтаҡ социаль мәсьәләләрҙе хәл итәһегеҙ. Аэропорттан сираттағы тапҡыр уҙған саҡта заводығыҙға ҙур хәрефтәр менән LASSELSBERGER тип яҙылған яҙыуҙы күрәм. Ошондай уҡ яҙыу оҙаҡламай Әбйәлил районында ла барлыҡҡа килер тип өмөтләнәм».

Төбәк Башлығы инвестициялар йәлеп итеүҙе үҙ эшендә төп бурыстарҙың береһе итеп күреүен айырып әйтте. Радий Хәбиров Башҡортостан компаниянан яңы ҡыҙыҡлы проекттар көтөүен билдәләне һәм республика Хөкүмәте уларҙы тормошҡа ашырыуҙа әүҙем булышлыҡ итеүен белдерҙе.

http://www.bashinform.ru/news/1229583-radiy-khabirov-obsudil-dalneyshee-sotrudnichestvo-s-uchreditelem-kompanii-lasselsberger/

#радий хәбиров #инвестиция проекттары #ласселсбергер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.