Өфөлә автобус маршруттары һаны кәметелә

Олег Яровиков

IMPORT Сервисный

ӨФӨ, 2018 йыл, 26 октябрь. /«Башинформ» мәғлүмәт агентлығы, Галина Бахшиева/. Өфөлә автобус маршруттары һаны 95-кә тиклем кәметелә, тип белдерҙе Башҡортостандың Транспорт һәм юл хужалығы буйынса дәүләт комитеты башлығы Тимур Мөхәмәтйәнов.

«Ошо йылдың 15 декабренә тиклем Өфөлә яңы маршрут реестрын билдәләүҙе күҙ уңында тотҡан документ ҡабул ителергә тейеш. Яңы маршрут реестрын Санкт-Петербург транспорт системалары институты тәҡдимдәрен иҫәпкә алып төҙөйҙәр. Автобус маршруттары һаны 116-нан 95-кә тиклем кәметелә», — тип һөйләне Тимур Мөхәмәтйәнов «Йәмәғәт электрон гәзите»нең Башҡортостанда законһыҙ пассажир ташыусыларға ҡаршы көрәшкә арнап ойошторған түңәрәк өҫтәлендә.

Башҡортостандың Транспорт һәм юл хужалығы буйынса дәүләт комитеты башлығы әйтеүенсә, автобус маршруттарының аҙайыуы хеҙмәтләндерелгән урамдар һаны кәмей тигәнде аңлатмай.

«Уларҙың географияһы киңәйә. Автобус маршруттары ҡала ситенә тиклем йөрөй. Әле эш алып барыла һәм республика Башлығы вазифаһын ваҡытлыса башҡарыусы Радий Хәбиров билдәләгән ваҡытҡа ярашлы үтәлергә тейеш».

Өфөнөң Транспорт һәм элемтә идаралығы начальнигы урынбаҫары Владимир Петров белдереүенсә, әлеге ваҡытта идаралыҡҡа «ҡалала рәсми эшләү» өсөн 350 ташыусы мөрәжәғәт иткән.

«Хәҙер бөтә «нелегалдар» ҙа тәртип урынлаштырыласағын аңлай. Маршруттар схемаһы яңынан ҡарала. 95 автобус маршрутының 66-һы көйләгес тарифтар менән була», — тип өҫтәне Петров.

«Башинформ» агентлығы хәбәр иткәнсә, республика Башлығы вазифаһын ваҡытлыса башҡарыусы Радий Хәбиров Өфөлә пассажир ташыусылар баҙарында килеп тыуған хәлде асыҡларға ҡушты.

«Өфөлә легаль булмаған автобустар йөрөүҙән ҡасан туҡтар? Был нимә, һеҙҙең өсөн хәл итә алмаҫлыҡ мәсьәләме ни? Ҡасан? Мин халыҡҡа башҡаса беҙҙә легаль булмаған ташыусылар йөрөмәй тип яуап бирҙем. Беҙҙә хоҡуҡ һаҡлау структуралары юҡмы ни? Мәскәү — 10 миллионлы ҡала. Хәҙер һеҙ унда бер легаль булмаған ташыусына ла күрмәҫһегеҙ. Әйткәндәй, күп кенә баш ҡалаларҙа ла. Ҡазанда, мәҫәлән. Ә бында нимә?» — тип мөрәжәғәт итте ул 15 октябрҙә республика Хөкүмәтендәге оператив кәңәшмәлә Өфө мэры вазифаһын башҡарыусы Салауат Хөсәйеновҡа.

http://www.bashinform.ru/news/1230015-v-ufe-sokratitsya-chislo-avtobusnykh-marshrutov-goskomtrans-bashkirii-/

#транспорт #автобустар #тимур мөхәмәтйәнов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.