Республикала рапсты урып-йыйыу тамамлана, май заводтары майҙы ситкә сығара башланы

ӨФӨ, 2018 йыл, 25 октябрь. /«Башинформ» мәғлүмәт агентлығы/. Башҡортостанда рапсты урып-йыйыу тамамлана: бөгөнгә майлы культуралар майҙандырының 95% йыйып алынған. Төп сәсеүлектәр Илеш (4 мең гектар), Дүртөйлө (3,7 мең га), Бөрө (3,3 мең га) райондарында урынлашҡан. Һуңғы ваҡытта рапсты һатып алыу хаҡы тотороҡло рәүештә тоннаһы өсөн 21,5 мең һум кимәлендә ҡала, тип хәбәр иттеләр Башҡортостандың Ауыл хужалығы министрлығында.

Өҫтәүенә Шишмә май һығыу заводы Европаға рапс майының тәүге партияһын оҙатты. Унда майҙан биодизель яғыулығы эшләйҙәр. Тейешле күләмдә май орлоғо йыйылғанда завод икенсе эшкәртеү тулҡынын башлай.

http://www.bashinform.ru/news/1228984-v-bashkirii-zavershaetsya-uborka-rapsa-maslozavody-nachali-eksport-masla/