Среда, 29 Апреля 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

13:00 (UTC+5), 25 Октября 2018

Өфөләге «ПромҮҙәк»тә эре ритейлер өсөн логистика үҙәге төҙөлдө

Олег Яровиков

IMPORT Сервисный

ӨФӨ, 2018 йыл, 25 октябрь. /«Башинформ» мәғлүмәт агентлығы, Галина Бахшиева/. Өфөләге «ПромҮҙәк» индустриаль паркында майҙаны 5400 метрлыҡ яңы складты асыу тантанаһы уҙҙы. Ул «Башҡортостан Республикаһының 100 йыллығына — 100 объект» исемлегенә инә.

Бөгөндән бында 80-дән ашыу яңы эш урынын булдырыуҙы күҙ уңында тотҡан DNS-ритейл Төбәк бүлеү үҙәге урынлаша.

«Беҙҙең потенциаль резиденттарға әҙер майҙандарҙы файҙаланыу мөмкинлеге бирелә. Үҫешкән инфраструктуралы майҙансыҡтарға ихтыяж булыуы арҡаһында уҙған йылдың декабрендә Төбәк фонды менән берлектә ҡуртымға биреү өсөн майҙаны 5400 квадрат метрлыҡ склад төҙөй башлау тураһында ҡарар ҡабул ителде», — тип һөйләне «ПромҮҙәк» яуаплылығы сикләнгән йәмғиәтенең генераль директоры Павел Васильев.

Яңы бинаны һалыуға 133 миллион һум талап ителде. Финанслау сығанағы — предприятиеның 2015-2017 йылдар өсөн килемдән алынған аҡсаһы.

Ер эштәре 2018 йылдың апрелендә башланды, ә 15 июндә DNS-ритейл компанияһы менән алдан ҡуртым килешеүе төҙөлдө.

«Төҙөлөш башланғас уҡ ҡуртымсы менән килешеү төҙөү ошондай кимәлдәге майҙандарҙың кәрәклеген тағы ла бер тапҡыр раҫлай», — тине Павел Васильев.

Асыу тантанаһында Башҡортостан Хөкүмәте Премьер-министры Рөстәм Мәрҙәнов белдереүенсә, яңы һалынған корпус миҫалында ошо комплекстың буласаҡ ҡуртымсыларҙың талаптарынан сығып төҙөлөүе һәм йыһазландырылыуы бик мөһим.

Бөгөнгә индустриаль паркта 1200-ҙән ашыу эш урыны булдырылған, Шакша биҫтәһендә йәшәүселәрҙең мәшғүллеге тәьмин ителгән.

«ПромҮҙәк»тең 83 ҡуртымсыһының 10-һы — сәнәғәти, өсәүһе склад йүнәлешендәге резиденттар. 51-е эшҡыуарлыҡ менән шөғөлләнә, тағы ла 23-ө офистарҙы арендалай.

Шакшалағы индустриаль парктың төп резиденттары: «ОЗНА-Инжиниринг» ғилми-етештереү предприятиеһы, «Поток» компанияһы, «Нефтеавтоматика» асыҡ акционерҙар йәмғиәте һәм «Нефтегазинжиниринг» ғилми-етештереү предприятиеһы.

«2014-2017 йылдарҙа майҙансыҡтан һалым керемдәре 1,1 миллиард һум тәшкил итте. Шуларҙың 143 миллион һумы «ПромҮҙәк» өлөшөнә тура килде. Индустриаль парктың перспективалы йүнәлештәре хаҡында һөйләгәндә, шуны билдәләп үтергә кәрәк: беҙ майҙансыҡҡа инновациялы предприятиеларҙы, юғары технологиялы продукция етештергән предприятиеларҙы йәлеп итергә тырышабыҙ», — тип өҫтәне Павел Васильев.

1 из 5

«ПромҮҙәк» яуаплылығы сикләнгән йәмғиәтен ойоштороусы — «Төбәк фонды» асыҡ акционерҙар йәмғиәте — Башҡортостандың өҫтөнлөклө инвестиция проекттарына булышлыҡ итеү өсөн булдырылған үҫеш институты. Фонд 2007 йылда ойошторолған һәм республиканың стратегик предприятиелары исемлегенә инә.

http://www.bashinform.ru/news/1229461-v-ufimskom-promtsentre-postroili-logisticheskiy-tsentr-pod-konkretnogo-zakazchika/

#индустриаль парк #промүҙәк

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.