Муниципалитеттарҙан газ һәм һыу тәьминәте селтәре төҙөүгә ғаризалар ҡабул ителә

ӨФӨ, 2018 йыл, 23 октябрь. /«Башинформ» мәғлүмәт агентлығы/. Башҡортостан муниципалитеттарынан халыҡ йәшәгән райондарҙа газ һәм һыу тәьминәте селтәре төҙөү өсөн финанслау алыуға ғаризалар ҡабул итеү тамамлана, тип хәбәр итә Башҡортостан Республикаһының Төҙөлөш һәм архитектура буйынса дәүләт комитеты. Муниципалитеттарға 2018 йылдың 10 ноябренә тиклем ведомствоға инженер инфраструктураһы объекттарын Башҡортостан Республикаһының инвестиция программаларына индереүгә ғариза йүнәлтергә кәрәк.

Биләмәнең генераль планына, планлаштырыу проектына һәм межалауға ингән объекттар финанслау аласаҡ. Муниципалитеттар халыҡ иҫәбен, миграция үҫешен, торлаҡҡа мохтаждар һанын, авария хәлендәге торлаҡ фондының дөйөм майҙанын һәм капитал һалыу һөҙөмтәлелеген иҫәпләү өсөн кәрәк башҡа күрһәткестәрҙе билдәләргә тейеш.

«2017 йылда республика адреслы инвестиция программаһынан инженер коммуникациялары төҙөүгә – 368 миллион һум, 2018 йылда 518 миллион һум бүленде. Муниципалитеттарҙы урындарҙа әүҙемерәк эшләргә, халыҡтың реаль ихтыяждарын иҫәпкә алып, ғаризалар яҙырға саҡырабыҙ», — тип һөйләне республиканың Төҙөлөш һәм архитектура буйынса дәүләт комитеты рәйесе урынбаҫары Артем Ковшов.

http://www.bashinform.ru/news/1228157-v-bashkirii-sobirayut-zayavki-munitsipalitetov-na-stroitelstvo-setey-gazo-i-vodosnabzheniya/