Башҡортостанда 9 айҙа 316 миллиард һум һалым һәм түләү йыйылған

ӨФӨ, 2018 йыл, 18 октябрь. /«Башинформ» мәғлүмәт агентлығы/. Башҡортостанда йыл башынан туғыҙ айҙа 316 миллиард 170 миллион һум һалым һәм түләү йыйылған, тип хәбәр иттеләр Федераль һалым хеҙмәтенең Башҡортостан буйынса идаралығында. Федераль бюджетҡа 168 миллиард 122 миллион һум кергән. Республиканың йыйылма бюджетына – 119 миллиард 258 миллион. 2018 йылға күҙалланған республика бюджетының килемлелеге – 180,3 миллиард һум.

Ғәҙәттәгесә керемдең төп күләме файҙалы ҡаҙылма байлыҡтар сығарыуға (34%), ойошмалар табышына һалымға (20%), акциздарға (15,4%), физик шәхестәр табышына һалымға (12%), өҫтәлгән хаҡҡа һалымға (11%) тура килә.

Мотлаҡ социаль страховкалауға иғәнәләр кереме 77 миллиард 479 миллион һум тәшҡил иткән.

http://www.bashinform.ru/news/1225794-v-bashkirii-sobrano-316-17-mlrd-rubley-nalogov-i-platezhey/