Өфөлә ҡарҙы ҡышын 400-ҙән ашыу берәмек махсус техника таҙарта

ӨФӨ, 2018 йыл, 10 октябрь. /«Башинформ» мәғлүмәт агентлығы, Әлфиә Әғлиуллина/. Был ҡыш Өфөлә ҡарҙы 400-ҙән ашыу берәмек махсуслаштырылған ҡар таҙартыу техникаһы таҙарта. Ошо хаҡта торлаҡ-коммуналь хужалыҡ мәсьәләләре буйынса түңәрәк өҫтәл барышында ҡала хакимиәте башлығы вазифаһын башҡарыусы Салауат Хөсәйенов хәбәр итте.

Уның һүҙҙәренсә, быйыл йәшәйеште тәьмин итеү предприятиелары ҡышҡа әҙерлек сиктәрендә бөтә билдәләнгән профилактик һәм ремонт эштәрҙе тулы күләмдә башҡарған. Ҡала йәшәйешен тәьмин итеү системалары эшендә боҙоуҙарҙы бөтөрөү өсөн 230 берәмек авария-тергеҙеү бригадаһы булдырылған. Предприятиеларҙа авария-тергеҙеү эштәрен башҡарыу өсөн матди-техник ресурстар запасы әҙерләнгән. Махсуслаштырылған таҙартыу техникаһы паркын әҙерләү тамамлана. Унда әле 408 берәмек техника иҫәпләнә.

Алдан хәбәр ителгәнсә, аномаль ҡарлы ҡыш булһа Өфө хакимиәте 59 берәмек ҡар таҙартыу техникаһы һатып алырға күҙаллай.

http://www.bashinform.ru/news/1222368-v-ufe-sneg-zimoy-budut-ubirat-bolee-400-edinits-spetstekhniki/