«Газпром» һәм республиканың сәнәғәт комплексы үҙ-ара килешеп эш итеү буйынса юл картаһына ҡул ҡуйҙы

ӨФӨ, 2018 йыл, 5 октябрь. /«Башинформ» мәғлүмәт агентлығы/. VIII Петербург халыҡ-ара газ форумы сиктәрендә «Газпром» асыҡ акционерҙар йәмғиәтенең Башҡортостандың сәнәғәт комплексы менән үҙ-ара килешеп эш итеүе буйынса юл картаһы төҙөлдө. Документҡа ҡултамғаларын республика Башлығы Рөстәм Хәмитов, Рәсәйҙең сәнәғәт һәм сауҙа министры Денис Мантуров һәм компания Идараһы рәйесе Алексей Миллер ҡул ҡуйҙы.

Юл картаһы импортты алмаштырыу сәйәсәтен тормошҡа ашырыуҙа һәм яңы юғары технологик ҡорамалдар етештереүҙе үҙләштереүҙә ҡатнашыуға илебеҙ етештереүселәрен йәлеп итеү сиктәрендә «Газпром» йәмғиәте өсөн һатып алыуҙарға Башҡортостан ойошмаларының сәнәғәт һәм ғилми-техник продукцияларын, продукттарын һәм хеҙмәттәрен һатып алыу һөҙөмтәлелеген һәм асыҡлығын күтәреүҙе тәьмин итә.

Планлаштырылған саралар 2018-2021 йылдар осоронда ғәмәлгә ашырыла.

Документ компания объекттарында ҡулланылған илебеҙ юғары технологик продукцияһы өлөшөн арттырыуҙы, «Газпром» стандарттары һәм Рәсәй Федерацияһы милли стандарттары буйынса талап ителгән һатыуға сығарылған продукцияның сифатын тәьмин итеүҙе, Рәсәй етештереүселәренең конкуренцияға һәләтле телекоммуникация ҡорамалдарын үҙләштереүҙе, шулай уҡ газ-мотор яғыулығы сифатында шыйыҡландырылған тәбиғи газды ҡулланыу проекттары инфраструктураһын үҫтереүҙе күҙ уңында тота.

Юл картаһы сиктәрендә импортты алмаштырыуҙа «Полигон» һәм «Салаватнефтемаш» асыҡ акционерҙар йәмғиәттәре менән берләштерелгән проекттарҙы тормошҡа ашырыу күҙаллана.

Яңы юл картаһы бер төркөм етештереүселәргә ҡарата сараларға аныҡлыҡ индерә.

Башҡортостан Башлығы шулай уҡ форум сиктәрендә барған махсуслаштырылған күргәҙмә экспозицияһы менән танышты. Рөстәм Хәмитов тәҡдим ителгән продукцияны ҡараны, етештереүҙе үҫтереү перспективаларын һәм диверсификациялау мөмкинлектәрен тикшерҙе.

http://www.bashinform.ru/news/1220517-podpisana-dorozhnaya-karta-po-vzaimodeystviyu-gazproma-s-promyshlennym-kompleksom-respubliki/