Башҡортостанда 22 меңдән ашыу йорт газға тоташтырыла

ӨФӨ, 2018 йыл, 5 октябрь. /«Башинформ» мәғлүмәт агентлығы/. Башҡортостанда быйыл 22241 йортто һәм 74 социаль объектты: мәктәптәрҙе, балалар баҡсаларын, дауаханаларҙы, магазиндарҙы газға тоташтырыу күҙаллана. Ошо хаҡта республиканың Төҙөлөш һәм архитектура буйынса дәүләт комитетында хәбәр иттеләр. Газ үткәреү программаһының дөйөм финанслау күләме 876,7 миллион һум (бюджет һәм «Газпром» компанияһы аҡсалары) тәшкил итә.

Быйыл республикала 347 саҡрым газ бүлеү селтәре, ике баш газ бүлеү пункты төҙөлә, өс өҫтөнлөклө проект газ менән тәьмин ителә.

Башҡортостанда йорт хужаларына дөйөм тармаҡтан йортҡа газ һуҙыу яҡынса 100 мең һум тәшкил итә. Мәскәү өлкәһендә коттеджғңда газға тоташтырыу 400 мең һумдан ашыу тора, Ленинград өлкәһендә – 300 меңдән һумдан күберәк.

http://www.bashinform.ru/news/1220852-v-bashkirii-podklyuchat-k-gazu-bolee-22-tysyach-domov/