Башҡортостан 200 мең тоннанан ашыу игенде экспортҡа оҙатҡан

ӨФӨ, 2018 йыл, 5 октябрь. /«Башинформ» мәғлүмәт агентлығы/. Башҡортостан иген менән тәьмин итеү күләмен арттыра. Ошо йылдың 9 айында республика элеваторҙары 334 мең тонна ашлыҡ, шул иҫәптән яңы уңыш тейәгән. Шуның 216,5 мең тоннаһы сит илгә оҙатылған. Башҡортостан Ауыл хужалығы министрлығы мәғлүмәте буйынса, төбәктән башлыса бойҙай, арпа һәм ҡарабойҙай экспортҡа сығарылған. Ашлыҡты Латвия, Литва, Беларусь, Бельгия, Бангладеш, Азербайжан, Иран һатып алған.

Тәүге ярты йылда Башҡортостан 190 мең тонна иген культуралары оҙатҡан, тип хәбәр иттеләр республика Ауыл хужалығы министрлығынан. 2017 йылдың ошо уҡ осоронда иген экспорты ун тапҡырға аҙыраҡ булған — 18,8 мең тонна.

Алдан хәбәр ителгәнсә, аграрийҙар бойҙайға хаҡтың уҙған йыл менән сағыштырғанда 18% артыуын көткәйне. Республика Ауыл хужалығы министрлығы экспортҡа бойҙайҙың бер тоннаһын $232 (15 мең һумдан ашыу) һатырға планлаштырҙы. Былтыр мал ашлығының бер тоннаһы 8 мең һумға тиклем төштө.

http://www.bashinform.ru/news/1220718-bashkiriya-eksportirovala-bolshe-200-tysyach-tonn-zerna/