Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
11+ °C
Болотло
Бөтә яңылыҡтар
Иҡтисад
4 Октябрь 2018, 17:06

Башҡортостан Сәмәрҡәнд өлкәһе менән сауҙа бәйләнештәрен булдыра

Википедия
Википедия
ӨФӨ, 2018 йыл, 4 октябрь. /«Башинформ» мәғлүмәт агентлығы/. Башҡортостан Хөкүмәте Үзбәкстандың Сәмәрҡәнд өлкәһе менән иҡтисади хеҙмәттәшлек итергә ниәтләй. Төбәктең Сәмәрҡәнд өлкәһе хакимы (губернаторы) урынбаҫары Отабек Бабаев етәкселегендәге эшлекле даирәләр делегацияһы Өфөлә булып китте, уны Башҡортостан премьер-министры Рөстәм Мәрҙәнов ҡабул итте. Республика Хөкүмәтенән хәбәр итеүҙәренсә, һүҙ үҙ-ара файҙалы мөнәсәбәттәр булдырыу хаҡында барҙы. Үзбәкстан яғы уларҙың баҙарына Башҡортостан предприятиеларында етештерелгән аҙыҡ-түлек сығарырға, ә үҙҙәренән киптерелгән еләк-емеш, туҡыма әйберҙәр оҙатырға тәҡдим итте.
Килешеүгә 18 октябрҙә Ташкентта Рәсәй-Үзбәкстан форумында ҡул ҡуйыу күҙаллана.
Башҡортостандың Тышҡы иҡтисади бәйләнештәр буйынса дәүләт комитеты мәғлүмәттәренә ярашлы, 2017 йылда республика һәм Үзбәкстан араһында әйләнеш яҡынса 65 миллион доллар тәшкил иткән. Биш йыл элек сауҙа 250 миллион доллар килтерә ине.
Башҡортостан Үзбәкстанға башлыса химия сәнәғәте продукцияһы, нефть продукттары, ҡара металл һәм уларҙан эшләнгән изделиелар, ағас изделиелары, картон, ҡорамалдар, аҙыҡ-түлек, туҡыма һәм башҡа әйберҙәр оҙата.
Үзбәкстандан республикаға туҡыма әйберҙәр һәм аҙыҡ-түлек, металдан эшләнгән изделиелар, минераль продукттар ҡайтарыла.
Сәмәрҡәнд өлкәһендә 3,7 миллион кеше йәшәй (баш ҡала халҡы — 530 мең кеше). Был — илдең төп туризм төбәге. Сәмәрҡәнд донъялағы боронғо ҡалаларҙың береһе, унда Урта быуатта төҙөлгән бик күп архитектура ҡомартҡылары бар.
http://www.bashinform.ru/news/1220331-bashkiriya-vstupit-v-torgovye-otnosheniya-s-samarkandskoy-oblastyu/
Читайте нас: