Өфөлә социаль эшҡыуарҙарҙың республика форумы үткәрелә

ӨФӨ, 2018 йыл, 3 октябрь. /«Башинформ» мәғлүмәт агентлығы, Әлим Фәйезов/. 30 октябрҙә Өфөлә социаль эшҡыуарҙарҙың IV республика форумы ойошторола.

Форум Башҡортостан Республикаһы Хөкүмәте, Башҡортостандың Эшҡыуарлыҡ һәм туризм буйынса дәүләт комитеты, Ғаилә, хеҙмәт һәм халыҡты социаль яҡлау министрлығы, Башҡортостандың Йәмәғәт палатаһы булышлығында уҙғарыла.

Форум төбәгебеҙҙең һәм Рәсәйҙең социаль өлкәләге иң яҡшы проекттарын күрһәтеүгә, социаль эшҡыуарлыҡты артабан үҫтереү өсөн этәргес биреүгә, эшҡыуарҙарҙы социаль бизнес өлкәһенә йәлеп итеүгә йүнәлтелгән.

Сараны ойоштороусылар фекеренсә, «Демография», «Мәғариф», «Бәләкәй, урта эшҡыуарлыҡ һәм индивидуаль эшҡыуарлыҡ башланғысына ярҙам итеү» милли проекттары сиктәрендә социаль эшҡыуарҙарҙың эшмәкәрлеген әүҙемләштереү иҫәбенә ил иҡтисадын һиҙелерлек үҫтерергә мөмкин.

Форум барышында «Йылдың иң яҡшы социаль проекты— 2018» республика конкурсы лауреттарын бүләкләү була.

Төрлө темаларға фекер алышыу майҙансыҡтары, семинарҙар уҙғарыла.

Ҡатнашыусыларҙың форум эксперттарынан һәм бизнес-тренерҙарҙан файҙалы мәғлүмәт алыу, үҙҙәренең проекты йәки идеяһы өҫтөндә эшләү мөмкинлеге бар.

Көндөң икенсе яртыһында теләге булған һәр кем өсөн Өфөнөң социаль предприятиеларына экскурсиялар ойошторола, тип хәбәр иттеләр Башҡортостандың Социаль өлкә инновациялары үҙәгенең матбуғат хеҙмәтенән.

Форумды уҙғарыу урыны: Өфө ҡалаһы, Зәки Вәлиди урамы, 40, Башҡортостан Республикаһы Дәүләт Йыйылышы — Ҡоролтай йорто.

Сара иртәнге сәғәт 10-да башлана, теркәү — сәғәт 9-ҙан.

Ҡатнашыу бушлай. Дәүләт Йыйылышы бинаһына инеү өсөн форумдың сайтында алдан теркәлеү мотлаҡ.

Өҫтәмә мәғлүмәт өсөн телефондар: 8 (347) 264-62-90, 8 (347) 243-38-37; электрон почта: mail@ciss-rb.ru.

http://www.bashinform.ru/news/1219675-v-ufe-proydet-respublikanskiy-forum-sotsialnykh-predprinimateley/

Теги:социаль эшҡыуарлыҡ

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».