Башҡортостан бюджет килеме үҫеше буйынса төбәктәр рейтингында күтәрелде

ӨФӨ, 2018 йыл, 1 октябрь. /«Башинформ» мәғлүмәт агентлығы/. Башҡортостан бюджет килеменең үҫеш темпы буйынса төбәктәр рейтингында үҙенең позицияларын яҡшыртты. Был хаҡта премьер-министр Рөстәм Мәрҙәнов республика хөкүмәтендәге оператив кәңәшмәлә белдерҙе.

«Сентябрҙә беҙ пландан күберәк — 10,8 миллиард һум килем алдыҡ, был яҡынса план күрһәткесенән 1,8 миллиард һумға артығыраҡ. Ғинуар-сентябрҙә план күрһәткесен арттырып барабыҙ. Был беҙгә килем кереме буйынса лидер төбәктәр иҫәбендә булырға мөмкинлек бирергә тейеш, — тине Рөстәм Мәрҙәнов. — Әгәр уҙған йылда беҙ килем күләме буйынса 12-се урында булһаҡ, быйыл иһә 11-селә, темп күрһәткестәре рейтингында Волга буйы федераль округында — беренсе, ә Рәсәй Федерацияһында 14-се урынға күтәрелдек. Былтыр беҙ 76-сы баҫҡыста инек».

http://www.bashinform.ru/news/1218664-bashkiriya-podnyalas-v-reytinge-regionov-po-tempu-rosta-dokhodov-byudzheta/