Республика бюджетында һаулыҡ һаҡлауға, мәғарифҡа һәм социаль ихтыяждарға 5-шәр миллиард һум өҫтәйҙәр

«Башинформ» мәғлүмәт агентлығы

ӨФӨ, 2018 йыл, 28 сентябрь. /«Башинформ» мәғлүмәт агентлығы/. Башҡортостан Хөкүмәтендә алдағы өс йылға республика бюджеты тураһында мәғлүмәт бирҙеләр. Башҡортостан премьер-министры Рөстәм Мәрҙәнов һүҙҙәренсә, 2019 йылға һәм 2020, 2021 йылдарҙың план осорона республика бюджеты бығаса булмаған ҙур күләмдә билдәләнгән.

«Барлыҡ өҫтәмә килемдәр республиканың үҫеш стратегияһы өҫтөнлөктәрен тормошҡа ашырыуға, тәү сиратта төбәк халҡының уңайлы йәшәү шарттарын яҡшыртыуға йүнәлтелә. Һүҙ сифатлы һаулыҡ һаҡлау, мәғариф, халыҡты социаль хеҙмәтләндереү хаҡында бара. Ошо статьяларға бюджет сығымдары һиҙелерлек арттырыла: һәр өлкәгә яҡынса 5-әр миллиард һум»,— тине премьер-министр.

Башҡортостан Республикаһының финанс министры Рида Собханҡолова әйтеүенсә, республика бюджеты килеменең дөйөм күләме 2019 йылда – 171,1 миллиард һум, 2020 йылда – 175,9 миллиард һум, ә 2021 йылда 183,6 миллиард һум тәшкил итә.

Ҡаҙна сығымдары структураһында алдағы өс йыллыҡ осорға алдан планлаштырылған барлыҡ социаль өҫтөнлөктәр һаҡланған һәм хатта киңәйтелгән. Сығымдарҙың яҡынса өстән ике өлөшөн социаль әһәмиәтле сығымдарға йүнәлтеү ҡаралған.

Бюджет ассигнованиеларының ҙур ғына күләме республика адреслы инвестиция программаһын бойомға ашырыу өсөн күҙаллана, был Башҡортостан Республикаһы ойошторолоуҙың 100 йыллығы уңайынан объекттар төҙөү кәрәклеге менән бәйле.

Башҡортостан Республикаһы бюджеты дефициты 2019 йылда 20 миллиард һум кимәлендә билдәләнгән (2020 йылда 17 миллиард һумға тиклем һәм 2021 йылда 10 миллиард һумғаса кәметелә). Дефицитты финанслау сығанаҡтары тулы күләмдә билдәләнгән. Башҡортостан, элекке кеүек үк, бурыс йөкләмәһе түбән булған субъекттарға ҡарай.

http://www.bashinform.ru/news/1217525-v-byudzhete-bashkirii-dobavyat-po-5-mlrd-na-zdravookhranenie-obrazovanie-i-sotsialnye-nuzhdy-/

Теги:бюджет

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».