Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
28 Сентябрь 2018, 21:40

Башҡортостанда Йылдам социаль-иҡтисади үҫеш комплекслы планы раҫланды

Олег Яровиков
Олег Яровиков
ӨФӨ, 2018 йыл, 28 сентябрь. /«Башинформ» мәғлүмәт агентлығы, Галина Бахшиева/. Башҡортостан Хөкүмәте төбәктең Йылдам социаль-иҡтисади үҫеш комплекслы планын раҫланы.
Республиканың Иҡтисади үҫеш министрлығы матбуғат хеҙмәтендә хәбәр итеүҙәренсә, документҡа 15,2 миллиард һум самаһы өҫтәмә финанслау күләме менән 150 сара инә. Атап әйткәндә, демографик хәлде яҡшыртыуға, Рәсәй Президентының «май» указдарын тормошҡа ашырыу сиктәрендә хеҙмәт мөнәсәбәттәрен үҫтереүгә, республикала уңайлы инвестиция мөхите булдырыуға, шулай уҡ дәүләт мөлкәтен файҙаланыу һөҙөмтәлелеген арттырыуға йүнәлтелгән сараларға ярҙам күрһәтелә.
Бынан тыш, планға төбәк операторҙары системаһын индереү һәм ҡаты-көнкүреш ҡалдыҡтарын үҙәкләштерелгән йыйыу һәм эшкәртеүҙе ойоштороу иҫәбенә экологик именлекте арттырыу өлкәһендәге башланғыстар ингән.
Сәнәғәт тармағында индустриаль парктарҙы үҫтереү буйынса өҫтәмә саралар ғәмәлгә ашырыла.
Агросәнәғәт комплексы өлкәһендә табыш килтереүсе проекттарға грант ярҙамы иҫәбенә ҡулланыусылар кооперацияһы системаһын үҫтереү тәҡдим ителә.
Социаль өлкәлә ғаилә именһеҙлеген иҫкәртеү һәм ғаилә-хоҡуҡи бәхәстәрен хәл иткәндә медиация институтын индереү күҙаллана.
Инвестиция өлөштәренә ҡағылғанда, план инвесторҙарға яңы дәүләт ярҙамы механизмдарын әҙерләүҙе күҙ уңында тота.
Министрлыҡта билдәләүҙәренсә, әлеге мәлдә төбәктең Йылдам социаль-иҡтисади үҫеш комплекслы планы 2030 йылға тиклем Башҡортостандың социаль-иҡтисади үҫеш стратегияһы менән синхронлаштырылған. Улар араһында – кешелек капиталы, иҡтисадтың реаль секторы, биләмәләрҙең баланслы үҫеше һәм дәүләт идаралығы.
http://www.bashinform.ru/news/1218071-v-bashkirii-utverzhden-kompleksnyy-plan-operezhayushchego-sotsialno-ekonomicheskogo-razvitiya/
Автор:Галина Бахшиева
Читайте нас: