Өфөлә 44-се мәктәптең яңы корпусына нигеҙ һалынды

ӨФӨ, 2018 йыл, 12 сентябрь. /«Башинформ» мәғлүмәт агентлығы/. Өфөлә элекке белем биреү йорттарының береһен – 44-се мәктәпте нигеҙенән үҙгәртеп ҡороу дауам ителә. Ҡаланың Совет районы хакимиәтендә хәбәр итеүҙәренсә, бөгөнгә беренсе корпустың нигеҙен һалыу буйынса эштәр тамамланған, төп стеналарҙы төҙөү башланған, икенсе корпус эсендә биҙәү эштәре бара, өсөнсө корпустың тышҡы яғы йылытыла, дүртенсе корпустың нигеҙе эшләнә, инженер селтәрҙәре һалына.

Яңыртылған мәктәптә бер сменала 1300 бала уҡый аласаҡ, тип хәтергә төшөрҙөләр муниципалитетта.

Реконструкциялау «Республиканың 100 йыллығына – 100 объект» проекты сиктәрендә уҙғарыла, уға төбәк ҡаҙнаһынан миллиард ярым самаһы аҡса бүленгән.

http://www.bashinform.ru/news/1209481-v-ufe-zalit-fundament-novogo-korpusa-shkoly-44/