Ағиҙел күперендә ремонттан һуң 13 меңгә яҡын тиҙлек режимын боҙоу осрағы теркәлгән

ӨФӨ, 2018 йыл, 6 сентябрь. /«Башинформ» мәғлүмәт агентлығы, Ольга Мортазина/. Иҫке Ағиҙел күперендә ремонттан һуң хәрәкәтте асҡас камералар 12,8 мең тиҙлек режимын боҙоу осрағы теркәгән, тип хәбәр иттеләр Башҡортостандың Транспорт буйынса дәүләт комитетында. Ремонттан һуң күпер буйлап еңел транспортҡа ғына тиҙлекте сәғәтенә 40 саҡрымдан арттырмай йөрөргә рөхсәт ителгән, тип хәтергә төшөрҙөләр ведомствола. Юл хәрәкәте өлкәһендә хоҡуҡ боҙоуҙарҙан штрафтар республика бюджетына килә.

Әлеге ваҡытта юл хәрәкәте ҡағиҙәләрен боҙоуҙы фотоға һәм видеоға төшөрөүҙе «Башҡортостандың Ауырлыҡты контролдә тотоу хеҙмәте» дәүләт ҡаҙна учреждениеһы үҫтерә. Уға Стәрлетамаҡ, Туймазы, Октябрьский, Нефтекама, Дәүләкән, Салауат, Бәләбәй ҡалаларындағы һәм Ҡырмыҫҡалы районындағы 202 камера инә. Ул 142 стационар, күсмә, мобиль комплекс һәм камера муляждары.

http://www.bashinform.ru/news/1206532-na-belskom-mostu-posle-remonta-zafiksirovano-pochti-13-tysyach-narusheniy-skorostnogo-rezhima/